NUUS | BROKKIES
Lamb Champs bou aan Span Suid-Afrika
Lamb Champs se 2026-seisoen het momentum gekry met kompetisies in Pretoria en Bloemfontein, waar streekskampioene gekroon is en vyf produsente reeds hul plekke in Span Suid-Afrika verseker het om later vanjaar teen Namibië mee te ding.
PRETORIA LEWER EERSTE KWALIFISEERDERS
Gerhard en Jani Lourens van LGL Farming Co is op 25 Augustus as Lamb Champs Pretoria-kampioene gekroon met hul Persiese skaap. Die egpaar het sedert die eerste Pretoria-kompetisie in 2022 elke jaar deelgeneem en het van’ n plek onder die topvyf in 2025 tot die eerste plek vanjaar gevorder. Gerhard is’ n eerstegenerasieboer wat saam met Jani en hul twee seuns in Gauteng met Persiese skape en lusern boer.
Daan en Tharin Malan van Bethal in Mpumalanga, wat met Dormers boer, het die tweede kwalifiserende plek uit Pretoria ingeneem.
BLOEMFONTEIN KROON KAMPIOEN
Vier dae later het die eerste Lamb Champs Bloemfontein by Toyota Stadion plaasgevind, waar 61 familieboere meegeding het. Sowat 3 000 mense het die geleentheid bygewoon.
Paul van Rooyen van Rouxville, wat met Meatmasters boer, is as kampioen gekroon en het daarmee die eerste voormalige Lamb Champs-wenner geword wat weer’ n Lamb Champs-kompetisie wen.
46 GROND TOT MOND SEPT 2026