Piektye op die plaas is normaalweg vanaf begin September tot April. Dit is dan’ n kwessie van“ clutch trap” en“ briek trek”, vertel hy.“ In oestyd kan ons sewe vragte vanuit die twee pakhuise uitlaai. Dit is sowat 240 ton per dag. Dit word dan na verskeie kettingwinkels vervoer. Vanaf April / Mei tot einde Augustus is produksie laer en word gemiddeld twee en’ n half vragte per dag gelaai. Slegs sowat 5 % van die aartappels gaan na die varsproduktemark. Sandveld Aartappels is bestem vir die tafelmark.”
Die drie hoofaartappel-kultivars wat geplant word, is Sifra, Mondial, Avalanche, en dan ook Savanna, Valor en Palace.
Arbeid is’ n groot komponent van die besigheid. Dit moet bestuur word en daar moet seker gemaak word dat alles en almal aan die nodige standaarde voldoen. Daar is 16 permanente werkers op Wadrift, 14 op Louwsrus en 65 op