Die beskikbaarheid van goeie kwaliteit moere word sommer heel eerste genoem. Dit behels onder meer ook grondgedraagde siektes wat na die Sandveld versprei wanneer moere inkom. Dit moet baie fyn bestuur word. Moere kom onder meer uit Natal( Panorama), Christiana in Noordwes en die Oos-Kaap – beide deur Wesgro.
Klimaatsverandering veroorsaak ook dat ons heeltyd moet aanpas by nuwe omstandighede. Seisoene is vir seker besig om te verander. Derde is die bestuur van goeie kwaliteit waterbronne.
Proewe op nuwe kultivars word van tyd tot tyd op die plaas gedoen deur onder meer InteliGro en Kynoch. Die proewe behels 5 ha nuwe kultivaraanplantings en dan’ n 5 ha kontrole-groep.