NUUS | BROKKIES
Helen McDougall, uitvoerende hoof van Woodlands Dairy Group, sê die oorname is daarop gemik om volhoubare groei in die plaaslike suiwelwaardeketting te ondersteun, met produsente steeds in die middel van elke besluit.”
Dit beteken egter nie dat bestaande roetes haastig verander sal word nie. Alle verbeterings sal in gesprek met produsente plaasvind om seker te maak dat aanpassings prakties en voordelig is. Boere kan dus verbeterde operasionele ondersteuning verwag, maar nie oorhaastige veranderinge wat hul daaglikse bedrywighede beïnvloed nie.
’ n Groter groep, maar nie ten koste van die produsent nie
’ n Algemene bekommernis wanneer groot verwerkingsgroepe uitbrei, is dat produsente later onder druk geplaas kan word. Woodlands Dairy se standpunt hieroor is duidelik: die groep glo nie in’ n model waar skaal ten koste van boere groei nie. Hulle beklemtoon dat eerlike en deursigtige pryspraktyke, volhoubaarheidsprogramme en tegniese ondersteuning deel van hul kernfilosofie bly.
Die organisasie beklemtoon dat boere die grondslag van die suiwel-waardeketting vorm. Dit blyk duidelik uit hul aankondiging, waarin hulle hul verbintenis tot volhoubare verkryging en die breër ontwikkeling van die suiwelbedryf sterk beklemtoon.
48 GROND TOT MOND DES 2025 | JAN 2026