7
San Ġwann il-Battista
kien Essen?
suDDJaknu Dennis MifsuD
“It-tifel kiber u ssaħħaħ f`ruħu, u baqa` jgħix fid-deżert
sa dakinhar li ħareġ quddiem Iżrael.” (Lq. 1:80)
“Fis-sena ħmistax tal-ħakma ta` Tiberju Ċesari, meta
Ponzju Pilatu kien gvernatur tal-Lhudija, Erodi tetrarka
tal-Galilija, ħuh Filippu tetrarka tal-artijiet tal-Iturija
u t-Trakonija, u Lisanja tetrarka ta` Abileni, fiż-żmien
meta l-uffiċċju ta` qassis il-kbir kien f`idejn Anna u
Kajfa, il-kelma tal-Mulej ġiet fuq Ġwanni bin Żakkarija,
fid-deżert.” (Lq. 3:1-2)
Dawn iż-żewġ kwotazzjonijiet meħudin mill-Vanġelu
skont Luqa fis-seklu dsatax, qajmu t-teorija li San
Ġwann il-Battista seta` kien membru tal-komunità tal-
Esseni. Qabelxejn, min kienu l-Esseni? L-Esseni kienu
komunità monastika Lhudija msemmija minn kittieba
tal- ewwel seklu bħal Ġużeppi Flavju, Filo ta’ Lixandra,
u Plinju x- Xiħ. Ħadd ma jaf eżatt minn fejn oriġinaw
l- Esseni, imma huwa maħsub li dawn tfaċċaw matul
il- perjodu ta` taqlib li ġie wara l- irvell tal- Makkabin fittieni
seklu Q.K.. L-istoriku Ġużeppi Flavju kiteb dwar l-
eżistenza tagħhom matul dan il- perjodu billi spjega fiddettall
id- differenza bejn il- ħarsa reliġjuża tagħhom u
dik tal- Fariżej u s- Sadduċej. Plinju semma li kien hemm
komunità ta` Esseni ħdejn il- Baħar il- Mejjet, bejn Ġeriko
u Għajn-geddi. Il-Professur James VanderKam (1946-
), li studja l-famużi Dead Sea Scrolls, issuġġerixxa li
“l- Esseni li kienu jgħixu f`Qumran kienu biss grupp
żgħir minn moviment ferm akbar ta` Esseni.” Skont
l-istoriku Ġużeppi Flavju, f`dan il- moviment monastiku
kien hemm b`kollox madwar erbat elef ruħ. L-Esseni
nqatgħu mill-ħajja soċjali u reliġjuża Lhudija u marru
jgħammru “fid-deżert” f`ħajja ta` solitudni, studju, talb
u ħidma manwali. Għalkemm l-Esseni żammew il-fidi
Ġudajka, huma mhux biss żviluppaw ħsieb teoloġiku
għalihom imma wkoll stil ta` ħajja differenti missaċerdoti
tat-tempju. Ir-ritwaliżmu ta` purifikazzjoni
bl-ilma u s-sens ta` profezija kienu jiddistingwuhom
mis-setet u movimenti li kienu eżistenti f`dawk iżżminijiet.
L-istoriku Lhudi Heinrich Graetz (1817-1891)
kien l-ewwel wieħed li ħareġ bit-teorija li Ġwanni
l-Battista kien Essen. Huwa fetaħ din id-diskussjoni
li għadha għaddejja sallum. Bosta studjużi jaqblu li
Ġwanni kien Essen, oħrajn jirrifjutaw din l-asserzjoni
waqt li xi wħud jaslu jammettu li Ġwanni kien tassew
Essen għal xi żmien qasir imma mbgħad ħallihom u
beda l-moviment tiegħu. Il-famuż Marjologu Padre
Renè Laurentin (1917-2017) f`pubblikazzjoni tiegħu
dwar il-Battista jagħti x`jifhem li l-Battista fi ċkunitu
kien afdat lill-komunità Essena. Studjużi oħra huma
tal-istess fehma. Insemmi biss lil Geza Vermes (1924-
2013). Sezzjoni oħra ta` studjużi kienu tal-fehma li San
Ġwann il-Battista kien f`kuntatt u influwenzat mill-
Esseni imma ma kienx membru profess. Fost dawk li
jżommu din il-linja ta` ħsieb insemmi biss lit-teologu
u Kardinal Jean Danielou (1905-1974) u Raymond E.
Brown (1928-1998). Ovvjament hemm studjużi oħra li
ma jaraw l-ebda konnessjoni bejn Ġwanni u l-Esseni.
Waqt li din tibqa` diskussjoni miftuħa, huma bosta
l-fatturi li jressqu lil San Ġwann il-Battista lejn l-Esseni.
Ħa naraw xi fatturi li jikkonfermaw dan. Ġwanni kien
ġej minn familja saċerdotali. Anke l-Esseni kienu