69
Leħen l-Għaqdiet Reliġjużi
Leġjun ta’ Marija
Diane Formosa
membri tal-Praesidium “Madonna tal-Fiduċja”
Qatt smajt bil-Leġjun ta’ Marija?
Aqra dan l-artiklu u malajr issir taf.
Amanda: Xi tgħidli fuq il-Leġjun?
Melanie: Il-Leġjun beda l-Irlanda fl1921 minn lajk jismu Frank
Duff. Malta beda fl-1940 u
fix-Xewkija beda fis-27 ta’
Diċembru 1950.
Amanda: Xi jsir fil-Leġjun?
Melanie: Il-laqgħat tal-Leġjun isiru
darba fil-ġimgħa u jikkonsistu fit-talba tar-Rużarju, ittalb tal-Leġjun (li jinqasam fi
tliet partijiet matul il-laqgħa),
isir qari spiritwali, diskors żgħir minn saċerdot u
jingħata xi appostolat għal matul il-ġimgħa.
Amanda: Nistħajjel ma tantx għandkom membri għax dażżmien kulħadd irid ifarfar u ħadd ma jrid irbit?
Melanie: Bi pjaċir ngħidlek li għandna numru sabiħ ta’ membri
kemm irġiel u kemm nisa, imma t-tajjeb ma tantx
jagħmel ħoss. Veru li jistgħu jattendu aktar membri
u nagħmel stedina kemm lil dawk l-irġiel u kemm
lil dawk in-nisa li mhux iħobbu lil Madonna biss
għax dejjem li jitolbuha tagħtihom, im ma juruha
li jħobbuha billi jagħtuha xi ħaġa – eżempju din
il-laqgħa fil-ġimgħa. Kuraġġ, x’hemm ħażin billi tipprova mbagħad tara kif tmur.
Amanda: Ħa nazzarda nistaqsik, int semmejt li tagħmlu xi
appostolat, dan fiex jikkonsisti?
Melanie: Aħna l-leġjunarji naħdmu tnejn, tnejn. Hekk kien
jibgħathom Ġesù lill-appostli. L-appostolat tagħna
dejjem jimmira biex ngħinu (mhux finanzjarjament)
lil ħutna fil-parroċċa. Dan huwa wkoll servizz spiritwali fil-parroċċa tax-Xewkija billi:
• inżuru lill-morda u lill-anzjani li għandhom diffikulta biex joħorġu;
• nistiednu lin-nies għall-attivitajiet li jsiru millparroċċa;
• nitkellmu mal-familji fuq it-talb u suġġetti spiritwali;
• min ikollu bżonn xi għajnuna li għalina tkun diffiċli,
aħna ngħadduha lil xi ħadd kompetenti;
• immexxu laqgħat li jsiru fil-parroċċa meta jitlobna
l-Arċipriet;
• immexxu wkoll gruppi tal-leġjun ta’ taħt it-tmintaxil sena u affarijiet oħra li jinqalgħu minn żmien
għal żmien.
Amanda: Mela għandkom leġjunarji ta’ taħt it-tmintax-il sena
wkoll?
Melanie: Il-membri fil-Leġjun jinqasmu f’dawk ta’ iktar minn
tmintax-il sena u f’dawk ta’ taħt it-tmintax-il sena
(tfal: subien u bniet u kif ukoll żgħażagħ f’kategoriji
diversi).
Amanda: Bħal dawn il-gruppi, insibu minnhom li jinsabu fixXewkija?
Melanie: Iva, għandna gruppi bħal dawn u dawk li jieħdu
ħsiebhom qed jagħmlu ħafna sagrifiċċji għalihom. Ilħasra hi li jistgħu japprofittaw ħafna tfal u żgħażagħ
li qed isibu x’qed itellifhom u jibqgħu lura.
Amanda: Isma’ lanqas tagħtihom tort daqskemm għandhom
studju u privatijiet!
Melanie: Veru u dawn importanti għall-futur tagħhom. Imma
sewwa kieku l-ġenituri jifhmu li ma’ dan hemm
bżonn ta’ formazzjoni fil-ġenerożità, f’li wieħed isib
ħin ukoll għat-talb u għal xi opra tajba. Hekk dawn
it-tfal jieħdu formazzjoni għall-karattru tagħhom u
min igawdi b’dan? Igawdu t-tfal infushom u matul iżżmien igawdu l-ġenituri meta ’l quddiem jiġu bżonn
l-għajnuna tagħhom.
Amanda: Allura int taħseb li jekk jattendu fil-Leġjun ma jtellifhomx mill-istudju?
Melanie: Assolutament le. Prova ta’ dan ngħidlek dan: FilLeġjun għandna membri li kienu fil-Leġjun żgħar,
waslu s-Sixth Form u baqgħu, marru l-Università u
baqgħu sal-lum ukoll. Dawn il-membri li għadhom
l-Università jew li ħadu l-professjoni tagħhom, illum
il-ġurnata għadhom jattendu u jmexxu l-gruppi tażżgħar. Il-Leġjun ma jtellifhomx, waslu fejn kellhom
jaslu u ħadu formazzjoni mil-Leġjun. Din il-formazzjoni qed jgħadduha lill-oħrajn u kif ukoll tal-familja
qed igawdu dan il-frott.
Amanda: Skontok, x’taħseb, allura li għandhom jagħmlu
l-ġenituri?
Melanie: Ikomplu jinkoraġġixxu lil uliedhom u jgħinuhom
fl-istudju tagħhom
imma jifhmu li l-attendenza għal-laqgħat
tal-Leġjun hija bżonn
mhux lussu biex uliedhom jieħdu formazzjoni spiritwali li
tgħinhom fl-iskola,
waqt il-logħob u fiddar.
Mela issa nagħmlu appell lil
kull min qara din l-intervista
biex jirrifletti almenu għal ftit
u jara x’tgħidlu l-kuxjenza.