56
Ħidmet l-Għaqdiet Xewkin
Donald Camilleri, Segretarju
Mill-Għaqda Armar
Xewkija
Wara sena oħra ta’ ħidma kontinwa reġgħet magħna
l-festa tal-patrun tagħna San Ġwann Battista. Hu f’dan
iż-żmien li l-Għaqda tal-Armar tilħaq l-għan tagħha, dak
li żżejjen u tarma t-toroq u l-pjazza tar-raħal tagħna
b’armar mill-isbaħ.
Proġetti ġodda: Kulma jmur l-ispazju fl-imħażen
tagħna dejjem qed jonqos u allura l-ispazju ta’ fejn
naħdmu sar limitat wisq. Għalhekk inħasset il-ħtieġa
li titnaddaf l-għalqa ta’ maġenb l-istess maħżen. Wara
li ġiet imnaddfa, l-art inksiet bil-konkrit grazzi għal RA
& Sons Ltd tal-inġenji tat-taħmil, lil Vella Brothers “TalMalla”, lil Josmar Farrugia kif ukoll lil bosta nies oħra
tax-xogħol volontarju u materjal b’xejn li taw. Proġett
ieħor li sar huwa l-karru għall-pavaljuni tad-dawl. Bil
mod ta’ kif kienu qed jinġarru kienu suġġetti għal bosta
ħsarat u għalhekk inħasset il-ħtieġa li jsir karru li bih
wieħed ikun jista jġorr dawn il-pavaljuni b’mod aktar
faċli u mingħajr ma’ ssirilhom ħsara. Apparti li dan
il-karru se jintuża għal ġarr tal-pavaljuni, se jkun jistà
jintuża wkoll għall-ġarr tal-bandalori u antarjoli. Din
is-sena wkoll fuq disinn ta’ Paul Falzon ser noħorġu
waħda mis-sett tal-labardi fil-white metal għal Triq San
Bert li ser jinħadmu minn Joseph Vella kif ukoll żewġ
pitturi oħra għall-istess triq.
Tkomplija ta’ proġetti: Wara li s-sena l-oħra
bdilna il-pavaljuni tad-dawra tal-pjazza minn bozza
tradizzjonali għal waħda LED, li għandha konsum aktar
baxx u li jservu aktar, din is-sena ser inkomplu wkoll
nibdlu aktar pavaljuni fi Triq Santa Katerina, Triq ilKbira, Fuq il-Ġibjun, Triq il-Mitħna u Triq il-Ħamrija
biex b’hekk il-kumitat ikun irnexxielu jibdel pavaljun
min kull sett għas-sistema il-ġdida. Barra minn hekk
ser jiżdied pavaljun ieħor għal Triq l-Indipendenza li
ġie mħallas kollu minn bosta benefatturi li joqogħdu
fl-istess triq. Proġett ieħor li beda is-sena l-oħra u li qed
jitkompla din is-s ena huwa dak tal-bandalori ta’ Triq
il-Ħamrija biex b’hekk għal din is-sena ser ikunu lesti
erba’ bandalori oħra minn kollox biex ikun għad fadal
biss erbgħa oħra biex jitlesta dan is-sett ta’ bandalori.
Proġett ieħor li kien mibdi xi snin ilu hu l-pedestal
magħruf bħala tal-Ġibjun u li din s-sena l-kumitat ħa
ħsieb li jkompli x-xogħol fuqu biex fis-snin li ġejjin ikun
komplut minn kollox. L–istess xogħol qed isir fuq ilpedestal tal-Ħamrija li jinsab biswit l-iskola primarja.
Fund Rasing: L-ispejjes huma ferm kbar u biex isir
dan kollu u aktar bdew isiru żewġ ikliet oħra apparti
il-fund rasing priċipali li jsir fil-festa tal-Martirju ta’
San Ġwann. Dawn iż-żewġ ikliet oħra huma maqsuma
matul is-sena, waħda issir l-ewwel ġimgħa fuq l-Għid,
u l-oħra imsejħa ta’ San Martin issir fl-ewwel ġimgħa
ta’ Novembru. Apparti dawn l-ikliet isiru wkoll bosta
Pasta Nights, Coffee Mornings u High Teas li huma biss
possibbli grazzi għal bosta voluntiera li jorganizzaw
dawn l-attivitajiet u għal bosta nies li ilhom jattendu bi
ħġarhom għal dawn l-attivitajiet. Ta’ kull xahar ikollna
wkoll lotterija tal-prima kif ukoll il-ġabra trimestrali li
tistà tissieħeb fiha mal-lista ta’ benefatturi eżistenti.
Il-kumitat flimkien mal-membri tiegħu jixtieq jawgura
l-festa t-tajba lill-poplu kollu tax-Xewkija filwaqt li jitlob
il-koperazzjoni ta’ kulħadd sabiex nibżgħu għall-armar
minn meta jintrama sakemm jerġa’ jinġabar lura filmaħżen.
Grazzi ta’ kull għajnuna!
Viva San Ġwann Battista