13
Mastru Pietru Pawl Azzopardi
(1791-1875)
L-Artist li 170 sena ilu naqqax fl-injam l-Istatwa ta’ San Ġwann Battista
f’għeluq il-140 sena minn mewtu
Kitba ta’ Vicyana Xerri u Claudio Vella
Il-ħajja personali tiegħu
Pietru Pawl Azzopardi twieled fil-belt Valletta fl-20
t’April 1791. Huwa kien it-tielet wild ta’ Antonio
Azzopardi u Maria neè Camilleri. Ġie mgħammed
fil-knisja ta’ San Pawl Nawfragu l-Belt Valletta
fejn tawh l-ismijiet ta’ Salvatore, Giuseppe, Petrus
Paulus u Jeremias, imma bdew isejħulu Pietru Pawl.
Missieru, Antonio, kien minn Bormla u ommu kienet
mill-Floriana u żżewġu fil-knisja ta’ San Publiju
l-Floriana li kienet tagħmel parti mill-parroċċa ta’
San Pawl tal-Belt. Wara ż-żwieġ tagħhom, il-familja
Azzopardi marret toqgħod Bormla.
Ftit nafu fuq it-tfulija ta’ Pietru Pawl. Hu attenda
l-iskola sekondarja u jekk wieħed jikkunsidra dawk
iż-żminijiet, Pietru Pawl kien jaf jikteb u jaqra. Hu
żgur li sa minn dejjem wera ħila għall-arti. Ta’ 17-il
sena tilef lil missieru u sa minn dik l-età tenera kien
diġà beda juri x-xewqa li fil-futur isir skultur.
Pietru Pawl iżżewweġ lil Giovanna Roża Camilleri
minn Bormla fil-knisja tal-Kunċizzjoni ta’ Bormla fil25 t’Ottubru 1817 u hemm fetaħ il-bottega tiegħu.
Minn dan iż-żwieġ kellhom sitt ulied li minnhon
għexu biss tlieta. Dawn kienu Savatore, li twieled fl1824, Maria Konċetta li twieldet fl-1826 u Giuseppe
li twieled fl-1830. Martu Giovanna Roża mietet
fit-22 ta’ Diċembru 1833 (waqt li kienet twelled
tarbija) fl-età żagħżugħa ta’ 37 sena. Pietru Pawl
ma setax ikompli jrabbi t-tliet uliedu żgħar waħdu li
kienu ta’ bejn disa’ u tliet snin. Għalhekk iżżewweġ
lil Antonia Attard fil-5 ta’ Mejju 1836 fil-knisja talPorto Salvo fil-Belt Valletta. Minn dan iż-żwieġ ma’
kellux tfal. Fl-1857, Pietru Pawl Azzopardi mar
jgħix il-Belt Valletta fid-dar numru 7, Strada Ponente
fejn nhar it-13 ta’ Frar 1864 tilef ukoll lit-tieni mara
tiegħu li ġiet midfuna fil-knisja ta’ Ġieżu l-Belt.
Il-karrieri artistika tiegħu
Pietru Pawl kien aljiev ta’ Mariano Gerada magħruf
ukoll bħala ‘il-Marjani’. Mariano ġab din issengħa minn Valenzia fi Spanja, meta kien għadu
żagħżugħ. F’Valencia, Mariano kien student ta’ José
Esteve Bonet. Pietru Pawl Azzopardi kien membru
fl-akkademja ‘Corpo delle Belle Arti del Desegno’.
Minn publikazzjoni ta’ Castagna, Pietru Pawl hu
msemmi li kien skultur għar-re Ferdinandu II ta’
Spanja. Dan juri li Pietru Pawl kien kiseb fama
artistika kbira u allura skultur-artist ta’ kalibru
kbir. Għalkemm Pietru Pawl kien bniedem ħawtiel
u bieżel, kien umli u ma tantx kien iħobb jidher.
Skont l-istess storiku (P.P. Castagna), Pietru Pawl
beda l-karriera tiegħu jiskolpixxi puleni għalliġfna. Hu kien jiskolpixxi ukoll fil-ġebla maltija.
Il-biċċa l-kbira tal-istatwi li skolpa u żebagħ Pietru
Pawl, kienu fuq disinn tiegħu stess, u l-akbar
numru ta’ statwi tiegħu nsibuhom skolpiti fl-injam.
Ix-xogħlijiet tiegħu
L-ewwel statwa li ħadem kienet
statwa tar-Redentur, li Pietru Pawl
skolpa fl-1808 fil-ġebla Maltija,
għall-kappella ta’ Santu Rokku
f ’Ħal Għaxaq u fl-1816 skolpa
statwa ta’ Santa Katerina, ukoll
fil-ġebel li tinsab f’niċċa fi triq fiżŻurrieq.
Impressjoni artistika ta’ Claudio Vella
Fl-1825 Mastru Pawl ndura biddeheb, l-istatwa tal-Madonna
tal-Grazzja ta’ Ħaż-Żabbar, opra li
kien ħadem Mariano Gerada. Fl-