Ganchimeg Erdenebayar Сэтгүүл | Page 2

мэндчилгээ

МЭНДЧИЛГЭЭ
Баянзүрх дүүргийн 7-р хорооны иргэд сонгогчид түмэн олон та бүхнийхээ амар амгаланг
айлтган мэндчилье.
Дүүргийн иргэдийн төлөөлөгчдийн хурлын ээлжит сонгуульд Дүүргийн МАН-ын хорооноос
миний нэрийг дэвшүүллээ. Энэ бол өндөр хариуцлага гэдгийг гүнээ ухамсарлаж байна. Урд
нь та нарынхаа өмөг түшигт багтаж, эрхэлж наадаж явсан бол одоо та бүхнийхээ төлөө
мэдлэг чадвар, оюун ухаанаа дайчлан ажиллах үүрэг хариуцлага ногдох болно гэдгийг
би ойлгож байна. Эцэг эхтэй минь цуг ажиллаж хөдөлмөрлөж, наадаж наргиж явсан
ахмадууд минь намайг дэмжээрэй. Охин чинь та нарынхаа өршөөл хайранд өлгийдүүлж
өссөн ачийг ачилж, тусыг хариулахаар сайхан сэтгэл өвөрлөн зүтгэж яваа шүү. Өсөх насны
минь бахархал, үлгэр дууриал болсон ах эгч нар минь намайг дэмжээрэй. Та нарынхаа
сайн сайхан бүхнийг дэмжин дэлгэрүүлж, даган дуурайж бахархсан хэвээрээ байх болно.
Үерхэн нөхөрлөж тоглож наадаж өссөн, мөр зэрэгцэн суралцаж, хамтран ажиллаж явсан
найзууд минь надад итгэл хүлээлгээрэй. Намайг эгчээ гэж дууддаг дүү нар минь та нарынхаа
сурах, хөдөлмөрлөх, тоглож наадах тав тухтай амьдрах орчинг бүрдүүлэхийн төлөө сэтгэл
зүтгэл гарган мэрийх болно.
Би хорооныхоо ард иргэдийг төртэй холбох гүүр байх болно.
Би төрийн бодлогыг хороонд хэрэгжүүлэхэд хөтөч байх болно.
Таныг хүндэтгэсэн:
Эрдэнэбаярын ГАНЧИМЭГ
БЗД-ийн итх-ын сонгуулийн 7-р тойрогт Монгол Ардын Намаас нэр дэвшигч Эрдэнэбаярын ГАНЧИМЭГ-ийн сонгуулийн штаб

2