Å VISE FRAM !
som skal til for å knyte saman vegane , seier Jon . Han tenkjer også at det kunne vore eit transporttilbod tilgjengeleg for å ta syklistane tilbake til Surnadal , slik at dei kan overnatte i bygda . Han meiner at eit slikt prosjekt ville vore eit flott turisttilbod , som ville gjort heimkommunen svært attraktiv i marknaden for aktivitetsturisme , eit stadig meir populært felt .
BJØRÅSKARET SOM DESTINASJON
Ein annan tanke Jon har hatt , er korleis Bjøråskaret kan nyttast som ein turistdestinasjon . Bjøråskaret er eit populært turmål også i dag , men Jon meiner at det er eit stort uutnytta potensial i turen for turistnæringa .
– Ein kan gå til toppen av Bjøråskaret frå Todalen , og så gå ned lia til Innerdalen , eller omvendt , slik at det blir ein rundtur . Rundturar er svært populære blant turistar , men det krev organisering dersom ein skal ta denne turen privat , med henting og bringing , seier Jon .
Han har derfor tenkt på korleis dette kunne vore jobba med som ein destinasjon og tilbydd som ein organisert og tilrettelagt rundtur .
– Det kunne gått bussar frå Skei til både Todalen og Innerdalen på laurdag og søndag , slik at turistane kan bli henta og bringa uansett kva veg dei ønskjer å gå ruta . For mange fjellturistar vil eit transporttilbod gjere turen mykje meir aktuell , da blir det eit tilrettelagt tilbod , der dei også kan møte likesinna . Det gjer det tryggare for mange . Kanskje kan det vere tilbod om å gå turen med ein turleiar også ? foreslår Jon .
– Turistane kan til dømes overnatte i Surnadal frå fredag til laurdag , gå til Innerdalen og overnatte der , og så bli frakta til Surnadal igjen på søndag . Marknadsfør turen som « Noregs vakraste skar » og lag eit samarbeid mellom turistnæringa på begge sider av skaret , med Thon Hotel Surnadal , Kårvatn , Renndølsetra og Innerdalshytta . Dette er eit prosjekt som kan gagne alle aktørane , det handlar ikkje om å konkurrere med kvarandre . Vi må gjere meir ut av moglegheitene vi har her , meiner Jon .
– Dette må vere noko å ta tak i for SuSu ! avsluttar nordmørspatrioten .
På tur på Indre Nordviksula .
– EIN FRAMIFRÅ IDE
Leiar for programadministrasjonen i SuSu , Karin Helen Halle , fortel at private aktørar starta eit prosjekt for å lage ein rundtur over Bjøråskaret med turleiar , overnatting , bevertning og transport for fleire år sidan . Prosjektet fekk tilskott frå SuSu i 2014 , men det kom ikkje i mål .
– Dette er ein framifrå produktide , og vi skulle gjerne sett at han blir realisert , men ein er avhengig av private aktørar som vil drive dette på kommersiell basis , seier Karin .
– Vi i SuSu er einige med Jon i at vi har ein fantastisk natur rundt oss , som legg til rette for attraktive opplevingar , og vi har møtt Jon for å snakke om moglegheitene for sykkelløyper i nærområdet . Dette står i handlingsprogrammet vårt for dei neste åra , fortel Karin og fortset : – Kommunane og grunneigarane kan legge til rette for løypene , men drift , marknadsføring og den kommersielle delen må drivast av private .
Karin fortel vidare at det er fleire næringslivsaktørar som lagar spennande reiselivsprodukt i distriktet , både for aktivitetar , mat og overnatting , som nettverket Den Gode Maten og Thon Hotel Surnadal .
– Vi har stor tru på at indre Nordmøre kan utvikle seg til å bli eit attraktivt reisemål for mange fleire . Og den aller beste marknadsføringa vi kan få , er Jon Gausen og andre som han , som tek med seg gjestar hit og er entusiastiske ambassadørar for nærområdet vårt , avsluttar SuSu-leiaren .
Skann for digitalt innhald
31