– VI HAR MYKJE
Surnadalingen Jon Gausen bur i
London, men hjartet bankar for
Nordmøre. Han nyttar sjansen til
å ta med seg besøkande til heim-
kommunen og nærområdet så fort
sjansen byr seg, og alle let seg
imponere av naturen rundt oss.
Tekst: Jorid J. Aarvåg Foto: Jon Gausen
Jon Gausen er oppvaksen i Surnadal, men har budd
utabygdes i mange år. Dei siste 28 åra har han, kona
og dei to døtrene hatt tilhald i London, men jobben
gir mange turar til heimlandet i løpet av året, og Jon
tar ein tur til hytta på Nordvik så ofte han får høve til
det. Han har hatt med seg kundar, kollegaer og venner
til heimkommunen for å nytte seg av dei flotte tur-
moglegheitene som finst, og felles for alle er at dei
blir svært begeistra for naturen i området.
– Eg er stolt av å vise fram lokalområdet, og vi har
mykje å vise fram! slår Jon fast. Han er aktiv året
rundt, med skiturar, fjellturar, sykling og jakt, over
heile indre Nordmøre.
SYKKELTRASEAR
På sine mange utflukter har han gjort seg mange
tankar om korleis potensialet i den lokale naturen kan
utnyttast enda betre.
Da han besøkte Trysil i fjor haust, vart han imponert
av det store nettet av sykkelløyper som er laga i
kommunen. Staden, som i hovudsak er kjent som
ein skidestinasjon, har etablert seg som eit svært
populært mål også utanfor skisesongen, med hordar
av besøkande på to hjul. På Trysil har grunneigarar
og næringslivet samarbeidd om å satse på sykkel-
løypene, med bruk av offentlege tilskottsordningar.
Jon meiner sykkelruter er eit prosjekt som er svært
aktuelt også i Surnadal.
– Kva med å lage sykkeltraseen «Fire fjordar»?
foreslår han, og forklarer korleis han ser for seg ruter
som tek syklistane på skogsvegar og stiar over fjella
og langsmed fjordane slik at ein kan komme seg frå
Stangvik til Bøfjorden på sykkel.
Jon på molttur med faren Jan.
30
– Det er mange skogsvegar i liene allereie, og mange
plassar er det ikkje så lange strekningar med stiar