¹ 4 ( 4 ) 2015 “ Àæàð " ÿñëè-áàêøàñû ,
ТАЛАСБАЕВА ҚЫМБАТ КАУКЕНОВНА
КМҚК № 12 " Ажар " яслибақшасының тәрбиешісі
46
Мақалада мектеп жасына дейінгі балаларды тәрбиелеумен оқытуда ойын технологияларының әсері баяндалады . Баланың жетілуіндегі ойын технологиясының рөлі жан-жақты қарастырылады . Мақалада ойын технологиясын өткізудің мәнімен баланың дағдыларының қалыптасуына қаншалықты әсері жазылған . Сонымен қатар , автор ойын тапсырмаларының түрлері берген .
В статье описывается влияние игровых технологий в процессе обучения и воспитания детей дошкольного возраста . Всесторонне рассматривается роль игровых технологий в развитии ребенка . Также автор уделяет внимание значению использования игровых технологий в формировании способностей ребенка и приводит виды заданий .
The article reports the effect game technologies on the education and learning process of the pre-school children . It was written about the role of the game technology in development of early child . Also , was said that what kind of importance of gaming technology to the formation of skills of child . Inaddition , authorgivestypesofthegameassignments .
" МЕКТЕП ЖАСЫНА ДЕЙІНГІ БАЛАЛАРДЫҢ ОЙЫН ТЕХНОЛОГИЯСЫ АРҚЫЛЫ ТАНЫМ ҮРДІСІН ДАМЫТУ "
Елбасымыз Н . Ә . Назарбаевтың " Қазақстан-2030 " Қазақстан халқына арналған Жолдауында " біздің жас мемлекетіміз өсіп , жетіліп , кемелденеді , біздің балаларымыз бен немерелеріміз онымен бірге ержетеді . Олар бабаларының игі дәстүрлерін сақтай отырып , қазіргі заманғы нарықтық экономика жағдайында жұмыс істеуге даяр . Олар қазақ , орыс , ағылшын тілдерін еркін меңгереді , олар бейбіт , азат , жылдам өркендету үстіндегі , күллі әлемге әйгілі , әрі сыйлы өз елінің патриоттары болады " деп көрсетілгеніндей , ертеңгі келер күннің бүгінгіден гөрі нұрлы болуына ықпал етіп , адамзат қоғамын алға апаратын құдіретті күш-білім нәрі .
Мектепке дейінгі ұйымдарда білім сапасын арттыру аса маңызды мәселе , ол үшін жалпы және негізгі жағдайларды жақсарту басты міндет болып табылады .
Біріншіден , білім мен тәрбие беруге арналған дамытушы ортаны жабдықтау қажет десек , ол мектепке дейінгі кезеңнің өзіндік ерекшелігі мен құндылықтарын сақтайтын , баланың балалығына бағытталуы шарт .
Екіншіден , тәрбие мекемесінің басшысы мен тәрбиеші педагогтар қауымы кәсіби шеберліктерін үнемі шыңдап , білімін жетілдіруге жүйелі көңіл бөліп , ұжымның шығармашылық бағыт-бағдарын айқындап , оны жүзеге асыруға белсенділікпен ат салысуға және жағымды психологиялық ахуалдың тұрақтануына ықпал ету қажет . Сондай-ақ , отбасының сұранысы мен талап-тілектерін қанағаттандыру және білім мен тәрбиенің балаға берілген үрдісі жайында ата-анамен үнемі бірлескен ынтымақты негізде жұмыс істеу де өте маңызды .
Үшіншіден , балабақшада еңбек етуге толық жағдай жасалып , тәрбиелеу мен білім берудің технологияларын сауатты меңгеріп , жаңа педагогикалық әдіс-тәсілдер жүйесін кәсіби шеберлікпен игеріп , оны тәжірибеде пайдалануға шығармашылықпен үлес қосып отырса .
Баланы тәрбиелеу , дамыту және білім беру мәселелерінде отбасы мен балабақша ұжымының бірлескен өзара тығыз байланыста болуы .
Білім беру жүйесінің негізгі мақсаты - тұлғаны оқыту , тәрбиелеу , дамыту . Бұл мақсаттар өзара тығыз байланыста болғанда ғана нәтижелі болады . Баланы
өмірге дайындау үшін дамытудың маңызы ерекше . Даму барысы : 1 . Зердесін дамыту ; 2 . Эмоциясы мен сезімдерін дамыту ; 3 . Күрт қиыншылықтарға төтеп бере алуын дамыту ; 4 . Өзіне-өзінің сенімділігін , өзін-өзі қабылдау , жақсы көруді дамыту ; 5 . Танымдық үрдісін дамыту ; 6 . Өзін-өзі алып жүре алуын , дербестігін дамыту ; 7 . Өзін-өзі көрсете алуына , өзін-өзі жетілдіруге ынтасын дамыту ;
Ф . Фребель бойынша баланың бүкіл өмір бойында оның даму үрдісі жүреді . Даму үрдісінде баланың таным белсенділігі арта түседі . 6 жастағы балалар заттарды түсіне , түріне , көлеміне қарап ажырата бастап , олардың құрылысын , пайдалану тәсілдерін білгісі келеді . Күнделікті өмір барысында бала шындық дүниенің құбылыстары мен заттарын анықтай білуге , адам баласының жинақтаған бай тәжірибесін үйренуге талаптанады . Балалардың бір нәрсені құмартып білуге талаптануын таным ынтасы дейді . Балалар өте байқағыш , еліктегіш , әр нәрсеге үңіле қарайды , көп нәрселер оларды ойлантады .
Балалардың ойлауын дамытуда оқу-тәрбие процесі шешуші роль атқарады . Бала ойлауын дамыту үшін тәрбиеші тиісті жұмыстар жүргізіп отыруы тиіс . Ой тәрбиесі адамның психологиясын жан-жақты етіп тәрбиелеумен ұштасып жатады .
Таным әрекетінің бірі - қабылдау . Тілдік мәліметтерді және жазылымдағы қатысымдық тұлғаларды ұғыну қабылдаудан басталады . Тілді меңгеру барысында тіл үйренуші есту , көру , сезу арқылы дыбыстарды , сөздерді , сөйлемді қабылдауға үйренеді . Бала қоршаған ортаны жақсы қабылдауға тиіс .
Осы орайда Ф . Фребельдің " Сиқырлы қап " ойынының мәні зор . Ол ойынның мақсаты : сенсорикалық дағдысын дамыту , танымдық қабілетін арттыру , ойлау қабілетін арттыру , қиялының , ойлауының , назар аударушылықтың , есте сақтауды ойын арқылы дамытады .