ҚАЗАҚСТАН ХАЛҚЫ АССАМБЛЕЯСЫ ҰЛТАРАЛЫҚ ТАТУЛЫҚ ПЕН САЯСИ ТҰРАҚТЫЛЫҚ КЕПІЛІ
Òàðèõ
¹ 2 ( 10 ) 2016
Аталған мақалада қазіргі таңдағы Қазақстан Респу бликасының азаматтары үшін Қазақстан халқы Ассамблеясының маңыздылығы , оның идеясы , құндылығы , қызметтері жайында ақпарат берілген . Автор Қазақстан халқы Ассамблеясының төрағасының айтқан сөздерінен мысал келтірген .
В данной статье представлена информация об идеях , ценностях , функциях Ассамблеи народа Казахстана и её современной роли и значимости для всех граждан Респу блики Казахстан . Автором приведены высказывания председателя Ассамблеи народа Казахстана .
ТАНБАЕВА БАРШАГҮЛ
Семей қаласы , Бөкенші орта мектебінің тарих пәнінің мұғалімі
This article contains information about the ideas , values , functions of the Assembly of Peoples of Kazakhstan and its modern role and significance for those who live on the territory of the Republic of Kazakhstan . The author highlighted statements of Chairman of the Assembly of Peoples of Kazakhstan .
ҚАЗАҚСТАН ХАЛҚЫ АССАМБЛЕЯСЫ ҰЛТАРАЛЫҚ ТАТУЛЫҚ ПЕН САЯСИ ТҰРАҚТЫЛЫҚ КЕПІЛІ
Бүгін Қазақстанда бейбітшілік пен өзара келісім ішінде 140 этника мен 40 конфессия өмір сүруде . Республикамыз көпұлтты және көпдінді қоғамнан тұрады . Мемлекет басшысы Нұрсұлтан Назарбаев айтқандай : " Қазақстан - бұл ортақ мекен , ортақ ұлт пен діннің тоғысқан жері . Барлық қазақстандықтарды ұлтаралық және дінаралық келісімдерді сақтауға шақырамын . Бұл біздің мәңгі құндылығымыз . Бұл біздің мәңгі еліміз бен Астанамыздың мақтанышы ".
Қазақстан Республикасының Конституциясына сай , еліміз құқықтық , зайырлы және демократиялы ел . Ел басына күн туған қилы замандарда да халқымызды ұлт ретінде сақтап қалған ынтымағы мен бірлігі . Жаугершілік заманда басы ауған жаққа көшіп жүріп те берекесі мен қазанын ортайтпаған қасиетті қанағатшыл ағаш бесік пен жер бесік арасындағы біреуге ұзақ , біреуге шолақ өмір жолдарында біреуді өзекке теппей , өзгенің қызылына қызықпай , ұтымды іспен , орамды оймен , терең кемеңгерлікпен , ешқашанда тарылмаған кеңдігі мен еліміздің тамырын жаза , бұтағын жайқалтып , құшағын кеңейтіп келеді . Достық пен ынтымақ бар жерде береке мен ырыс болары айдан анық .[ 2 ]
" Бірлік бар жерде - тірлік бар " дейді біздің халық . Дана жұрт мұны тегіннен-тегін айта салмаса керек . Ауызбірлік пен түсіністік , қарапайым сыйластық үстемдік құрған жерлерге қашанда нәтижелі істердің үйір болатыны белгілі . Біздің елімізде қалыптасқан ұлттар тұтастығы мен халықтар достығының арқасында бүгінде мемлекетіміз өркендеп , ілгері басып келеді . Қазақстанның көпұлтты халқының татулығы , ынтымақтастығы , бейбітшілігі біздің еліміздің ең басты байлығы . Оны көздің қарашығындай сақтауға тырысуымыз керек .[ 7 ] Біздің мемлекетіміздің басты жетістігі еліміздің халықтарының ұлтаралық және конфессияаралық келісімі , өзара түсіністігі мен сыйластығы болып табылады .
Астанадағы Бейбітшілік және келісім сарайында Қазақстан халқы Ассамблеясының ХV сессиясы болды . Онда Мемлекет басшысы , Қазақстан халқы Ассамблеясының Төрағасы Нұрсұлтан Назарбаев " Ұлттық бірлік - біздің стратегиялық таңдауымыз " деген тақырыпта баяндама жасаған болатын . Ассамблея - еліміздегі бірлік пен келісімнің киелі бесігі , тұтастық пен тұрақтылықтың құтты шаңырағы . Ассамблея осы жылдар ішінде байсалды жолдан өтіп , байыпты тәжірибе жинақтады . Ол еліміздегі
этносаралық қарым-қатынасты дамытудың іргелі институтына , татулық пен сыйластықтың берекелі бекетіне айналды .
Ең бастысы , Ассамблеяның әрбір сессиясын қарапайым халық тағатсыздана күтеді . Өйткені барлық этносты бауырына басып , құшағына алған бұл құрылымның әрбір жиынында ортақ Отанымыздың келешегіне қатысты аса маңызды ой-пікірлер , ұсыныстар ортаға салынады . Сессияның бүгінгі мәжілісінде де осындай өзекті мәселелер талқыланып , шешім қабылданады деп сенемін - деп атап көрсеткен болатын .
Мемлекетіміздің басшысы Нұрсұлтан Назарбаев былай дегені бар еді : " Егемен еліміздің мемлекеттілігін , тәуелсіздігін , демократиялық құндылықтарын айғақтайтын бірден-бір құжат бұл - Конституция . Ата Заңымыздың алдында ала-құласы жоқ бәріміз де бірдей жауапты , бәріміз де бірдей міндеттіміз !"
Ата Заңымыз тұтастықтың , татулықтың кепілі болғандықтан Қазақстан халқы түсіністік , достық жағдайында өмір сүріп келеді . Статистика деректері бойынша , елде 140 этнос пен 46 діни қауымдастық бар екендігі белгілі . Осылардың арасында ешқандай да келіспеушілік , дүрдараздық жоқ . Олар Қазақстанды ортақ Отаны санайды . Елімізде он бір тілде газетжурнал жарық көріп отыр . Олар ағылшын , неміс , әзірбайжан , корей , ұйғыр , өзбек , татар және басқа да тілдерде . Театрлар алты тілде өнер көрсетіп жүр . Олардың барлығын мемлекет өзі қаржыландыруда . Осындай өнегелі істі әлемдегі өзге мемлекеттерден кездестіру қиын . Осының өзі арамыздағы өзге ұлт өкілдерінің тілі мен дініне , мәдениеті мен өнеріне деген қамқорлық нышаны .[ 8 ]
Ел ішіндегі ұлтаралық татулықты нығайтуда маңызды конституциялық орган болып саналатын Қазақстан халқы Ассамблеясының орны айрықша екенін атап өткен жөн . Бұл Ассамблея - бейбітшілік пен келісімді тиімді насихаттаушы қоғамдық институтқа , этносаралық және конфессияаралық толеранттылықтың қазақстандық үлгісінің негізіне айналды . Қазақстанның Еуропадағы қауіпсіздік пен ынтымақтастық ұйымына төрағалығы , Астана қаласында мемлекет басшыларының Саммитін өткізуді дүниежүзінің қолдауы мемлекетіміздің Конституция негізінде жүргізіп отырған салиқалы саясатының белгісі .[ 1 ]
Мемлекет басшысының бастамасымен құрылған Қазақстан халқы Ассамблеясы мәдениетаралық және
13