E-Vespertino Edicion 28 di Augustus 2013 | Page 12

E situación di e guera civil na Siria ta escala mas y mas cada día. Awor Merca y Inglatera a adverti presidente Assad di Siria kende a keda comproba di a usa armanan quimico contra su hendenan y awor e mester wanta e consecuencianan di esaki. Barconan di guera meri-

Merca y Inglatera cla pa invadi Siria

cano ya ta rumbo pa mediterraneo, pa un posibel inteervencion contra e regimen di Assad. Mientras tanto Putin di Russia a laga sa cu si nan haci esaki, elo apoya Assad contra Merca y Inglatera.

Turistanan ta sera nan mes den haula di hero pa duna leonnan feroz den naturalesa cuminda. Esaki ta pa pone nan corda con e cristiannan tabata ser mata pa leonnan tempo nan di antes pa e Romanonan. Un guia

Turistanan den haula serca leonnan

Semper y cuando cu tin introduccion di un vacuna nobo, ta bin pregunta si e vacuna ta safe. Esaki tambe ta wordo puntra di e vacuna contra cancer na boca di matriz. Aunke tin hopi articulo y informacion eroneo ta circula riba internet y otro medio di comunicacion, Departamento di Salud Publico kier pone publico na haltura cu e vacuna contra cancer na boca di matriz a keda investiga bou mas di 30.000 hende rond mundo. Dato for di e investigacionnan aki a keda evalua profundamente pa hopi grupo di experto di autoridadnan nacio-

nal y internacional. Pa cu e vacunacion aki Departamento di Salud Publico tin colaboracion directo cu cientificonan trahando cu Organisacion Mundial di Salud (WHO) y Pan American Health Organization (PAHO), tambe Instituto di Reino pa Salubridad Publico y Medio Ambiente (RIVM). E vacuna ta cumpli cu e exigencianan mas halto di entre otro WHO y RIVM cu ta garantisa cu e vacuna ta safe y efectivo. Te cu awor mas cu 100 miyon dosis di vacuna a wordo duna na mas cu 40 pais. Continuamente ta sigui monitor posibel efectonan negativo di e vacuna. E vacuna no ta causa cancer, e no ta contene nada di virus bibo p’esey e no por causa un infeccion cu hu-

Haya sa mas di e vacuna contra cancer na boca di matriz
man papilloma virus (HPV). Ultimamente ta core alarma falso, entre otro cu e vacuna ta causa infertilidad. Esaki no ta basa riba berdad. Un infeccion cu HPV no ta causa infertilidad cerca hende muhe, tampoco cerca hende homber, mientras esaki si ta e caso cu otro malesa transmiti sexualmente p.e. chlamydia. Pakico vacuna mucha muhe asina hoben? E vacuna tin su efecto preventivo optimal si ta dun’e prome cu e mucha muhe keda exponi na HPV. Kiermen, prome cu un mucha muhe bira sexualmente activo. Tambe a keda demostra cu e nivel di anticurpa contra HPV ta mas halto si ta vacuna e mucha na un edad hoben (9-13 aña). Tres dosis di e vacuna ta necesario pa duna

proteccion optimal. Ta duna e vacuna den e parti ariba di e brasa. Ta duna e vacuna tres biaha durante e aña escolar: na september, november y mei. E vacuna tin reaccion secundario (‘side effects’)? Si, manera tur otro vacuna, e vacuna contra HPV por duna algun reaccion secundario leve y temporal (den e prome dianan despues di vacunacion). Lo cual mas tanto por sosode ta: dolor, cuero cora of brasa hincha caminda a pasa e vacuna (25-80%), dolor di cabes (25%) of keintura leve (10%). Tin mucha, particularmente adolescentenan, cu sa di cay flauw despues di vacunacion of cualkier otro inyeccion. Por evita esaki door di come bon (desayuno) e dia di vacunacion.

ta hunto cu e turistanan pa guianan den saca foto y cria e leonnan aki. No ta conoci con e turistanan ta drenta den e haulanan y ni con e leonan ta aserca esakinan.

12

E-Vespertino.com