E-Vespertino Edicion 20 di Septerber 2013 | Page 8

Aruba ta pasando den momentonan dificil. Aruba ta conoce un Mega Debe hamas bisto den historia di Aruba den 27 aña di Status Aparte. E Mega Debe aki lo tin su consecuencianan riba tur tereno na Aruba y principalmente e aspecto social-economico di nos ciudadanonan. Pa por paga e debenan aki ta abo como ciudadano lo tin cu haci esaki y unda abo lo bay atras. Un di areanan cu te na e momentonan aki ta wordo mas afecta ta nos Enseñansa. Awor aki caba nos por sinti e efectonan di falta di placa pa mehora e calidad di educacion di nos yiunan. Na hopi school ta un cantidad di caha di papel tin pa kopieer te december y cu no lo wanta ni pa fin di oktober. Nos di Movimiento Electoral di Pueblo ta mira cu den momentonan di

Candidato nr. 15 Edgard Vrolijk: Enseñansa, un prioridad di MEP
crisis asina mester inverti den nos hendenan p’asina e pueblo por yuda reconstrui e pais aki despues di un crisis grandi cu ta warda nos debi na hendenan sin stimacion pa nos dushi isla hincando cada un di nos den problemanan financiero. Nos di Movimiento Electoral di Pueblo ta kere cu un pueblo educa ta un pueblo cu vision y speransa di un miho mayan pa cada un di su ciudadanonan. Mehora calidad di enseñansa Pesey nos di MEP lo trata educacion di otro manera. Hopi problema den field cu maestronan ta wordo confronta cune ta producto di un mal maneho, planificacion y falta di eficiencia den Departamento di Enseñansa. Nos lo enfoca den mehora nos departamentonan di Enseñansa. Unda cu falta personal mester percura pa esaki y tambe unda mester ampli a mester amplia esaki, tur pa mehora eficiencia p’asina nos hobennan no sali perhudica. Tambe nos lo ta evaluando normeringnan cu ta perhudicando nos hobennan cu consecuencia cu ta un grupo grandi ta kedando atras (Pensando riba un periodo den juni cu por haci un extra opdracht pa por logra e aña escolar sin tin mester bin cu un summer school). Banda di esnan ya menciona nos lo ta enfocando hopi den e departamento di curiculo, ampliacion di Task Force cu lo percura pa mantene nos schoolnan y tambe nos lo ta introduciendo un departamento di IT cu lo ta preparando na un manera responsabel e introduccion di innovacion den Enseñansa, mirando con atras nos ta. Una bez cu nos departamentonan ta funcionando efecientemente nos lo mira cambio y tambe nos calidad di Enseñansa lo mehora. Plannan pa enseñansa Banda di e concentracion den mehora eficiencia den nos departamentonan di Enseñansa, Movimiento Electoral di Pueblo ta duna un parti di nos plannan pa duna nos hobennan e oportunidad di por studia den nan mesun pais, paso hopi hoben ta bay afo y ora nan bin bek no tin trabao of si tin mes locual nan tin di paga bek no ta haci nan regreso atractivo. Aki mi lo ta dunando poco plannan pa pueblo por huzga pa su mes cu nos si tin seriedad den mehoracion den calidad di enseñansa. Cu MEP den gobierno: • Nos lo ta haciendo e pago di nos hobennan cu a studia afo mas husto y mara na un periodo di pago p’asina stimula mas hoben studia pa bin Aruba • Upgrading den nos docentenan y brindando nos docentenan e oportunidad di por sigui amplia nan conocemento y alaves haci IPA mas atractivo pa mas hoben studia como docente mirando e necesidad di docentenan den nos proyectonan. • Construccion di un MAVO/HAVO school pa Noord • Construccion di un MAVO school pa Paradera • Mehoracion di infrastructura escolar pero bon planifica y teniendo cuenta cu esnan invalido • Mehoracion y amplacion di nos scolnan special na Aruba:

pa muchanan cu no por ta na un scol basico, pa esnan geestelijk gehandicapten, autista, esnan cu probleman visual . • Introduccion di vaktechnische scholen pa mas hoben por tin un ofishi (Mehora EPB) • Ampliacion di Enseñansa pa Empleo mas cerca den barionan y bahamento di tarifa di Staatsexamen pa mas hoben por tin e oportunidad di por sigui studia • Ampliacion di nos MBO • Ampliacion di HBO y mehoracion di locual tey caba • Ampliacion di nos WO–onderwijs, tur esaki pa mas y mas hoben por tin e oportunidad di studia den nan mesun pais Esakinan ta en corto un paar di e plannan cu nos tin den nos programa di partido y sin lubida riba e parti di socialisacion di nos Enseñansa p’asina por brinda un y tur e oportunidad di por sigui studia, mirando con caro enseñansa a bira. Nos programa ta core di crèche te cu WO y sin lubida volwassenopleiding. Terminando mi tin di bisa cu un voto pa MEP ta un voto pa mehoracion den calidad di Enseñansa pero principalmente cu bo yiu por tin e oportunidad di por mehora su mes den su mesun pais.

8

E-Vespertino.com