Michelle Hooyboer-Winklaar: Mi ta desea tur mucha un aña escolar exitoso y productivo
No ta existi nada mas importante den un comunidad cu ta educacion di nos muchanan, asina Minister Michelle Hooyboer-Winklaar a duna di conoce. E potencial di cada mucha ta mara na oportunidadnan educacional cu ta wordo presenta awe, mañan y den futuro. Transforma un spiel den un bentana ta referi na e influencia cu educacion tin pa habri nos wowonan pa mas cu ta simplemente nos dilanti. Algun tips pa prepara pa un aña escolar nobo y exitoso: Despues di temporada di vakantie, cuminsa prepara muchanan pa adapta bek na un rutina escolar. Percura pa muchanan (basis school) drumi entre 10 - 12 ora pa anochi, cual ta necesario pa por desaroya adecua, y pa por concentra den klas. • Planea un momento cada dia pa ta disponibel pa papia cu bo yiunan y sea ta habri pa dialoga riba temanan delicado manera tentamento (bullying), uzo di alcohol y droga, sexualidad, of cualkier otro tema cu bo yiu ta desea di papia erover. • • Scoge nutricion saludabel mas hopi posibel y evita cumindanan cu calorianan bashi manera “fast food” y “junk food”. Laga bo yiu(nan) mes identifica 2 cuminda saludabel cu e gusta. • • Envolve bo mes den su bida na scol. Tene un bon comunicacion cu su maestro(a). • • Stipula un limite di uzo di tecnologia
den siman y monitor uzo di internet of cualkier otro media cu e mucha ta uza. • • Celebra e logronan di bo yiu na scol, y mas cu tur... Rondona bo yiu cu hopi amor y sosten, nunca por tin demasiado di esaki!
Mainta di informacion na IBiSA: Instructornan di Deporte ta cla pa e aña escolar nobo
Aña escolar 20132014 ta inicia pa mayoria school e siman aki y Instituto Biba Saludabel y Activo, IBiSA a reuni cu tur instructor di deporte escolar riba diaranson mainta pa trata diferente aspecto y preparacion pa deporte na school pa e aña escolar nobo. Contento, motiva y cla pa tur
reto, e instructornan a sinta delibera cu maneho di IBiSA pa delinea e coordinacion di e diferente deporte pa atende na school. E rooster di e instructornan y nan school asigna pa e aña escolar a keda trata, como tambe e calendario deportivo di IBiSA cu ta indica e deportenan competitivo entre e
schoolnan pa e aña aki y e fecha cu e competencianan ta tuma lugar. Asina cada instructor por cuminsa prepara e hobennan na school den e respectivo deporte, pa nan por tin un representacion exitoso pa nan school den e competencianan. Un tema hopi importante cu a keda trata e mainta aki, tabata e reglanan
di conducta pa cada instructor. A repasa tur punto cu hopi dedicacion. Durante e encuentro a introduci sr. Edgar ‘Gachi’ Erasmus como e persona di contacto di IBiSA pa tur instructor di deporte escolar. Mientras cu sr. Candido Tromp ta keda e persona asigna pa e control y evaluacion di e instructornan di deporte escolar.
IBiSA ta desea tur instructor di deporte escolar hopi exito durante e aña escolar nobo cu a caba di cuminsa. Y cu e trabou keda haci cu hopi amor y dedicacion pa nos hobennan, manera ta e caso tur aña cu e instructornan di deporte escolar ta demostra cumpliendo cu e school asigna na nan.
E-Verspectivo.com
5