E-Vespertino Edicion 11 di September 2013 | Página 8

ORANJESTAD- Contractnan di huur ta keda tema di discusion den e ultimo dianan aki. Sigur si e contract a wordo manipula, gekonkel y maniobra manera ta e caso den huurmento di edificionan di ReMaZu y Goldmine Properties. Den un rueda di prensa Minister Sevinger un bes mas, sin kita sin pone a mustra e berdad sunu di tur loke a wordo haci y deshaci cu e contractnan aki pa por a sigui cobra placa di e pagado di belasting. Un dineral cu riba dje tin indextering tambe. Den e caso di huurmento di e edificio na Tanki Flip cu ta di ruman di lider di MEP, gobierno a paga nu huur na 2004 36 mil florin (dos luna di huur), na 2005 238 mil florin, na 2006 238 mil florin, na 2007 238 mil florin, na 2008 238 mil florin y na 2009 237 mil florin. Un total di 1,300.000,000. “Cu e veredicto di huez nos mester paga awor 5 aña mas cu ta suma un total di 1.3000.000,000 sin conta ainda loke a wordo poni den un articulo nobo den e contract. Den e articulo aki ta poni cu no solamente gobierno mester paga pa e 5

Doño di Goldmine Properties a percura bon pa su mes No ta paga BBO riba placa di huur di edificio y ta cobra indexering barbaro di 15%

añanan aki, pero ta poni tambe preto riba blanco cu e verhuurder (ruman di lider di MEP) NO ta paga BBO”. Minister Sevinger ta haya esaki algo incteibel y absurdo. “E gobierno anterior a introduci BBO, pero ora di huur edificio di famia, BBO no ta wordo paga. Gobierno mester paga e BBO pa nan y riba dje a bin cu un clausula den e contract di pago di indexering. Esaki ta nifica cu cada aña ta bin 3% di aumento acerca na indexering. Na aña 2010 ta bin 3% riba e suma total, 2011 3% riba e 3% di e contract, 2012 3% riba e 3% riba e otro 3%, 2013 e mesun tiro y na 2014 esaki ta sigui den forma cumulativo”. Pa esnan cu ainda por sigui e abracadabra aki: e ta un total di 15% gefix riba e suma astronomico di 1.300.000,00. Cantidad di placa pa un edificio bashi cu ta di ruman di lider di MEP. Minister Sevinger den bos halto ta puntra un biaha mas “Interes di ken e hendenan aki a sirbi? Interes di ken ex Minister Rudy Croes a sibri ora el a firma e contract aki pa su sobrino den scondi. Interes di ken? Esey ta loke

ta asina inhusto. Awor den bo defensa bo kier cuestiona contract di tur hende na Aruba, por fabor haci’e. Wak cua di nan ta famia di sr.Eman of sr.Sevinger. Ningun no ta primo ruman. Aki ta comerciantenan honesto cu ta verhuur edificio na gobierno”. Sevinger a splica cu e gobierno actual ta renobando tur edificio di gobierno, pa asina ubica su departamentonan. Lamen-

tablemente no a caba ainda cu tur. Pesey cu gobierno ta buscando un edificio pa huur pa acomoda polis. “Nos ta deal un bon prijs y ta huur e. Nos no ta yama ruman of sobrino pa traha of cumpra un edificio pa despues huur e cu gobierno”. “Esaki ta e diferencia entre e gobierno ski y e gobierno anterior”, Sevinger a enfatisa un bes mas.

8

E-Vespertino.com