E-Vespertino Edicion 11 di September 2013 | Page 6

“Nos ta cana den bario prome cu e proyecto cuminsa, durante y tambe despues”
ORANJESTAD – Entre proyecto grandi y chikito, nunca Aruba a conoce un desaroyo asina grandi manera esun cu Gabinete Mike Eman ta percurando p’e awor. Seroe Pita ta un di e barionan cu ta bay haya caminda nobo y Minister di Infrastructura, Benny Sevinger hunto cu Prome Minister a bay supervisa e trabounan aki algun dia pasa. “Pa mas di 30 aña e caminda aki di Seroe Pita no a haya atencion. Nos a considera cu e ta un di esnan principal cu mester haya atencion rapido,” Minister Sevinger a bisa. E caminda en cuestion ta uno basta transita y ta conecta caminda grandi cu diferente di e bicindarionan mas chikito den e area. Arubaanse Wegenbouw Maatschappij N.V. ta e compania local encarga cu ehecucion di e trabounan. E fondonan pa esaki ta bin for di WIF, Wegen en Infrastructuur Fonds cu ta aproba dor di Parlamento y ta permiti Gobierno uza parti di su recursonan pa drecha caminda y haci otro trabounan rond di Aruba. “Esaki ta un parti di e masterplan cu nos tin pa Aruba caminda nos kier pa desaroyo economico wordo traduci den desaroyo di un infrastructura di calidad,” Minister Sevinger a comenta bisando tambe cu DOW ta trahando duro riba tur e careteranan cu mester haya atencion. “Awe nos ta contento di mira cu trabounan ta andando manera mester ta.” E titular di Infrastructura a splica cu no solamente ta traha riba asfalt riba caminda, pero tambe acera y e parti berde di mata. “E ta un infrastructura pa hende y no solamente pa auto, unda cu ciudadanonan por 6 cana safe, muchanan por core bais, etc.” E relacion entre Gobierno y pueblo pa loke ta trata tipo di trabuonan aki, semper ta uno di cooperacion segun e manera di traha di Gabinete Mike Eman. Ya caba e habitantenan di e bario a bisa cu ora e caminda keda cla, nan kier pa bin cu verkeersplateau. Minister Sevinger a bisa cu ta evaluando esey y mas leu ainda, a anuncia cu e siman aki ta cuminsa un proyecto piloto pa bin cu e tipo di ‘sleeping police’ aki den tur bario cu ta necesario. E idea ta pa haci tur bicindario un luga sigur pa su ciudadanonan. Gobierno ta cerca di su pueblo. Nos ta den e pueblo pa tende su inkietudnan y esey ta ehempel di Prome Minister segun Minister Sevinger. “Nos kier controla cu e calidad cu nos pueblo ta paga p’e e ta haya tambe. Nos

ta cana den e bario prome cu e proyecto cuminsa, durante y tambe despues.” Proyectonan similar di caminda, trottoir y mata pa embeyece barionan, ta tumando luga tambe na Ma-

diki, Seroe Biento y Primavera. Director di DOW, Ing. Jossy Figaroa a bisa, e lista di bario ta largo, pero e determinacion di Gobierno ta pa yega y cumpli cu tur.

Minister Sevinger supervisando trabounan na Seroe Pita:

E-Vespertino.com