E-Vespertino Edicion 11 di September 2013 | Page 4

ORANJESTAD- Gobierno ta haya cu awa a pasa hariña den asunto di huurmento di edificio na gobierno. No solamente famia cercano di lider di MEP a verhuur edificio cu ta afgekeurd, pero tambe a manipula cu contract pa sigui cobra placa di huur. Minister de Meza ta haya cu cos no por sigui asina. E ta haya cu e forma con cosnan a bay ta bay en contra di tur loke hende drechi ta kere aden. Ta p’esey cu gobierno a dicidi di bay Corte di Casacion. “E placa cu mester wordo paga na famia di lider di MEP ta perhudica caha di gobierno”, un Minister de Meza sumamente disapunta a splica. Aunke cu gobierno ta bay Corte di Casacion, e placa, 2.400.000,00 mester wordo paga e siman aki ainda na ruman y primo di lider di MEP. Minister de Meza a bisa di ta respeta decision di huez den Hoger Beroep y lo cumpli cu e veredicto. “Nos ta respeta nos sistema hudicial. Pero, e mesun sistema hudicial aki ta duna nos e espacio pa bay mas leu cu e caso aki. Pa nos, pa e gobierno aki henter e situacion aki ta inacceptabel. Ta inacceptabel con tin hende ta saca clausula for di contractnan pa por sigui cobra huur contra tur regla di etica y moral”. Den Corte di Casacion gobierno ta bay duna muestra con a manipula cu contractnan y tambe con a laga e minister responsabel di e tempo ey pafo di henter e ‘deal’ aki. Otro Ministernan a firma e contract, algo cu no ta cuadra cu e proceduranan existente. “Den nos leynan di contabilidad nos ta bay haci cambionan pa evita cosnan asina. Si traha un contract mes 4

Minister de Meza ta anuncia cu gobierno ta bay Corte di Casacion
manera a sosode aki, anto e ora e ta wordo declara nietig. Esun cu haci e cambionan aki sin sigui e procedura nobo, mester responde dilanti Corte”. Minister de Meza ta masha disgusta cu henter e situacion aki cu gobierno a haya su mes confronta cu ne. “Nos a drenta un gobernacion na fin di 2009 na unda tabata reina un situacion sumamente dificil cu un finanza publico cu tabata un disaster. Aruba tabata confronta retonan sumamente grandi, hopi prob-

Den asunto di huurmento di edificio di famia di lider di MEP
lema cu mester a wordo atende y awor nos ta mira e puyitonan ta sali na careda for di bou di e macuto”. Su disgusto no ta por nada, pasobra cu e consecuencia financiero aki ta pisa hopi riba caha di gobierno. “Cu

2.400.000,00 tres mil pensionado por a haya nan reparatie toeslag. Awor nos mester wak di unda ta saca e placa aki”. De Meza a splica cu di un caminda e placa aki mester bin. E pago di 2.400.000,00 ta bay a costo di placa cu mester wordo usa pa proyectonan, sea di infrastrcutura of di pensioen of otro ayudo pa esnan cu realmente tin mester. Awor e placa ta bay den saco di hende cu a manipula cu contract y esey ta loke tin Minister de Meza asina disgusta. “E hendenan aki no ta sincero ni cu pueblo ni cu pais Aruba”, el a remarca.

E-Vespertino.com