Documentos aprobados pola Asemblea Constituínte de Estudantes sen Futuro. Asemblea Constituínte ESF | Page 26

Asemblea Constituínte de Estudantes Sen Futuro
"Tecendo na unidade o movemento estudantil"
Artigo 9. Dereitos.
Os dereitos que lle corresponden aos membros de Estudantes sen Futuro son:
- Ser convocadas ou convocados en tempo e hora a todas as xuntanzas de órganos que se
celebren, e que lles afecten.
- Elixir e ser elixidas ou elixidos para a Coordinadora Nacional e para algunha das
responsabilidades individuais que existan na asemblea de base que lles corresponda.
- Participar na elaboración da política de Estudantes sen Futuro e intervir libremente
sobre todos os problemas das asembleas de base ou do resto de órganos aos que
pertenzan.
- Facer propostas sobre calquera cuestión que considere de interese xeral aos diferentes
órganos.
- Estar informado polos órganos pertinentes tanto da liña política da organización, das
actividades que está a levar a cabo ou vai levar a cabo a mesma, como da situación
interna e externa de Estudantes sen Futuro.
- Supervisar politicamente o traballo levado a cabo polas e polos diferentes responsábeis
das Asembleas de Base, da Coordinadora Nacional, ou das diferentes Comisións de
Traballo de habelas.
- Recibir a formación necesaria para poder realizar unha intervención positiva no
movemento estudantil.
- Defenderse persoalmente en calquera tipo de proceso sancionador.
- Recibir asesoramento e apoio da organización nos asuntos relativos á súa acción ou
actividade estudantil.
Artigo 10. Deberes.
Os deberes dos membros, para e coa organización, son:
- Respectar e levar a cabo o disposto nos presentes Estatutos.
- Participar regularmente nas asembleas de base xa sexan de centro ou
locais/comarcais.
- Participar regularmente nas accións do conxunto da organización.
- Levar a cabo dilixentemente as funcións dos seus cargos no caso de ser elixido para
unha responsabilidade individual.
- Desenvolver e aplicar en todos os ámbitos do seu centro de estudos os acordos e a
política adoptada no seu da organización.
- Respectar a pluralidade interna da organización, así como as compañeiras e os
compañeiros.
- Traballar de maneira individual na formación propia para adquirir os coñecementos
necesarios para intervir no movemento estudantil.

26