509
akkerbou & tuinbou
Snyblomme
1. Oorsig
• Suid-Afrika het ’n diverse en uiters geskikte natuurlike omgewing vir
die produksie van blomme. Binne- en buitenshuise produksie vind
regoor die verskillende klimaatstreke van Suid-Afrika plaas.
• Die algemeenste produkte sluit die volgende in: rose, angeliere,
krisante, proteas, loof, gipskruid en Limonium (papierblom), en ’n
wye reeks blomme wat van saad gekweek word, soos Lisianthus,
Delphinium (ridderspoor), Helianthus, Craspedia, Carthamus, asook
grasse
• Suid-Afrika se inheemse blomme soos Gladioli, Nerina, Freesia en
Gerberas het baie jare se intensiewe navorsing ondergaan in Europa
en het wêreldwyd vername gewasse geword.
• Blombolle word ook in groot getalle in ’n groot verskeidenheid spesies
geproduseer.
• Produksie is bestem vir beide die plaaslike mark en verskillende
uitvoermarkte
• Suid-Afrika is die voorste uitvoerder van protea plukblomme, wat vir
meer as die helfte proteas wat op die wêreldmark verkoop word,
rekeningskap gee. Die grootste konsentrasie van Suid-Afrikaanse
proteas en die sogenaamde fynbos (Cape greens) is in die Wes-Kaap.
• Uitvoermarkte sluit in Europa, die Midde-Ooste, Asië, Australië en die
VSA.
Bronne: Jac Duif en die SA Yearbook 2010-11 wat by www.gcis.gov.za gekry kan word.
2. Plaaslike sakeomgewing
Die Multiflora blomveiling is verreweg die belangrikste en gerieflikste
bemarkingskanaal vir plaaslike bemarking. Die veiling, by City Deep
bied daaglikse veilings aan van Maandae tot Saterdae vanaf 07:00 waar
die vernaamste agente en groothandelaars blomme koop. Die veiling is
markgedrewe en pryse vir produkte word deur vraag en aanbod bepaal.
Vir nuwelinge in die bedryf is ’n besoek aan Multiflora absoluut noodsaaklik
om die hartklop van verkope in die blomkwekerybedryf in Suid-Afrika te
sien. Kontak 011 613 4011, e-pos [email protected] of besoek www.
multiflora.co.za vir meer inligting.
Daar ook ’n sterk netwerk van blomgroothandelaars, verspreiders en
uitvoerders. Bunches for Africa koop, byvoorbeeld blomme van boere.
Besoek www.bunchesforafrica.com vir meer inligting. ’n Ander voorbeeld is
Flora Town wat altyd blomveilings gedoen het maar nou op invoer/uitvoer en
groothandel/kleinhandel fokus. Skakel hulle by 011 548 0700. Die webwerf
www.multiflora.co.za gee die kontakbesonderhede uit van blomwinkels,
agente en blomgroothandlelaars in die Groter Johannesburg gebied.
3. Vir die nuwe toetreder
U wil dus ’n blomboer word? Potensiële kwekers en beleggers moet vooraf
nadink oor ’n paar baie belangrike feite.
Die blombedryf is kompleks en vereis gespesialiseerde kennis en insette
met die volgende vereistes:
1. Massiewe kapitaaluitgawes (gewoonlik miljoene rande)
2. Uitgebreide tegniese kennis – ’n kweker doen gewoonlik kennis binne
’n familiebedryf op
3. Intensiewe, volhoubare daaglikse bestuur
4. ’n mark is die belangrikste die oorvoorsiening van gewasse op die
plaaslike mark kom dikwels voor wat lei tot ’n afwaartse neiging van
pryse. Die uitvoermark is nuut en steeds besig om uit te brei, maar
verg sorgvuldige markbeplanning.
Volgens ’n tegniese dokument by die World Bank, word die volgende
voorvereistes vir die Suid-Afrikaanse blomhandel gestel:
1. Basiese markgeleentheid. ’n Mens moes al die produk verkoop het
voordat daar met die onderneming begin is of ‘u moet weet waar daar
’n mark vir die produk bestaan voordat dit geplant word. Toegang tot
Europa is moeilik en duur. Daar is dikwels ’n ooraanbod en dit is die
boere wat aan die kortste ent trek.
2. Beskikbaarheid van volhoubare menslike kapitaal. Menslike
kapitaal in die vorm van geleerde en toegewyde mense wat bereid is
om die risiko te loop word vereis. Suid-Afrikaanse arbeid is, vergeleke
met die res van Afrika, nie meer goedkoop nie.
3. Minimale vlak van infrastruktuur. Dit het betrekking op
die beskikbaarheid van lugvrag, verkoelingsfasiliteite, paaie,
telekommunikasie, ens. Ook van belang is ’n interne infrastruktuur wat
verband hou met kweekhuise, besproeiingsvoeding, plaagdoderstelsels,
verhitting en verkoeling, en bergingsfasiliteite.
4. Finansieringsreëlings. Hoëkapitaalbelegging is ’n voorvereiste.
Voordat u met ’n nuwe plaas begin, is ’n uitvoerige besigheidsplan nodig.
Kwessies soos die weer, grondsoorte, watergehalte, bemesting en
spuitprogramme moet aangeroer word. Konsultante kan dalk met behulp
van ’n kontrolelys werk, wat sal help om die geleenthede of swakhede van
u voornemende onderneming te identifiseer.
1. Johannes Maree 082 564 1211 (Tegniese adviseur – algemeen)
2. Leon Hefer 011 416 6069 / 082 789 0499 [Alstroemeria (Inkalelies)]
3. Jac Duif 082 443 1755 (Blomme van saad)
4. Hentie Boshoff 018 290 6019 (Markinligting en beplanning)
5. Louise de Klerk 013 752 4247 (Tegniese adviseur: Gerberas)
Arend Doorduin 082 577 6507 [email protected]
6.
(kwekeradvies, tegniese advies, lewensvatbaarheidstudies)
4. Nasionale strategie en regeringskontakte
Raadpleeg www.daff.gov.za webtuiste van die Departement van Landbou,
Bosbou en Visserye vir inligting en die kontakbesonderhede van die
verskillende direktorate. Neem die “Divisions”-kiesopsie.
Perishable Products Export Control Board (PPECB)
Tel: 021 930 1134
www.ppecb.com
5. Verenigings wat betrokke is
Suid-Afrikaanse Blomkwekersvereniging (SAFGA)
Tel: 082 852 7258
www.saflower.co.za
South African Flower Export
Council (SAFEC)
Tel: 021 870 2900
www.saflower.co.za