494
bemarking van mielies. Die mieliebemarkingseisoen in Suid-Afrika begin op
1 Mei en eindig op 30 April die volgende jaar.
Party van die sterkpunte van die mielieproduksiesektor in Suid-Afrika is die
volgende:
• Dit is een van die toptwee landbousektore (pluimvee is die ander
een).
• Dit verseker selfversorgendheid in die belangrikste basiese
voedselproduk.
• Dit verseker voedselsekuriteit in Suid-Afrika en die SAOG-streek.
• Dit is ’n verdiener van buitelandse valuta deur uitvoere. Hoewel
uitvoer histories na Afrikalande was, het nuwe markte in die 2011seisoen Mexiko, Suid-Korea en Taiwan ingesluit.
• Die bestaande produksie-infrastruktuur is goed ontwikkel.
• Daar is enorme intellektuele kapitaal en ondervinding wat in die
mieliesektor beskikbaar is.
Party van die swakpunte inherent in die mielieverwerkingsektor is die
volgende:
• Trae aanvaarding van verskansingsmeganismes om prysrisiko te
verklein.
• Onvoldoende beskerming teen onbillike streeks- en internasionale
mededinging en voedselhulp.
• Relatief lae uitvoer-ingesteldheid.
• Verswakkende navorsingsinfrastruktuur en vermoë kan nuwe
tegnologieontwikkeling in die toekoms beperk.
• Navorsingsresultate is nie gebruikervriendelik nie, veral nie vir die
ontluikende sektor nie.
• Gebrek aan innovering ten opsigte van nuwe produkte.
• Relatief hoë inset- en kapitaalkoste omdat ’n groot deel van die
produksie-insette ingevoer word.
• Hoë instandhoudings- en leweringskoste.
Kies die “Documents and brochures”-opsie op www.graansilo.co.za vir
die volgende:
• Regulasies betreffende die gradering, verpakking en merk van mielies
bestem vir verkoop in Suid-Afrika.
• ’n Wysiging van bogenoemde (2010)
Die standaardkontrakformaat vir die verhandeling van graan en oliesade
in Suider-Afrika is verkrygbaar by www.grainmilling.org.za.
4. Aspekte van belang vir boere
Kies ’n kultivar:
Om die korrekte mieliekultivar te kies kan risiko beduidend verlaag.
• Moet nooit ’n betroubare kultivar in een seisoen geheel en al deur ’n
nuwe of onbekende kultivar vervang nie.
• Plant altyd ’n kultivarpakket – kultivarverskeidenheid verdeel die
risikofaktor. Gebruik ’n reeks kultivars wat verskil ten opsigte van die
tydperk van die groeiseisoen en ander eienskappe. As ’n mens vroeg
plant, moet jy ’n kultivarkombinasie van 20% met ’n vinnige of kort
groeityd, 30% met ’n middelmatige groeityd en 50% met ’n lang
groeityd plant. As jy laat plant, plant ’n mengsel wat bestaan uit 50%
met ’n vinnige of kort groeityd, 30% met ’n middelmatige groeityd en
20% met ’n langer groeityd.
• Kultivars moet aangepas wees by ’n