Die Agri Handboek 5de Uitgawe | Page 397

395 4. GMO – ’n Behoefte aan vinnige toetse Verwys na die advertensie regs. Die noodsaaklikheid om te toets vir die teenwoordigheid van GMO in graan word bepaal deur verskillende lande se regerings. Die instelling van die Cartagena Protokol maak die onvermydelik om nie te toets vir GMO in graan nie. Die instelling van die wet aangaande die etikettering van produkte wat GMO bevat, neem wêreldwyd toe. Die verbruiker het ’n reg om te weet wat op sy bord is. Die twee mees algemene analises wat gebruik word om die teenwoordigheid en hoeveelheid GMO in graan te bepaal is soos volg: 1. Polimerasie Ketting Reaksie (PKR): Hierdie is ’n molekulêre DNS toets wat sekere DNS kodes herken in gemaalde mielies. Die metode word in ’n laboratorium gedoen en vat ’n paar ure om te voltooi. Die koste per analiese is hoog. 2. Immunologiese metode: Die metode maak gebruik spesifieke teenliggame wat spesifieke proteine herken en daar aan bind. Die spesifieke protein word uitgedruk deur die geen wat betrokke is by die GMO tegnologie. Dit is in die vorm van ’n vinnige lateriale vloei toets en kan basies enige plek gebruik word. Minimale opleiding is nodig vir die tegniek en die koste per analiese is ook minder. Navorsing het bewys dat die laterale vloei toets perfek werk vir die skandering van graan vir die teenwoordigheid van GMO basies tydens enige stadium, vanaf die plaas tot by die meule. Relatief akkurate resultate kan dus maklik bekom word. PKR word as die goue standaard beskou om GMO vrye graan te sertifiseer vir uitvoer. Hierdie metode is nie noodwendig die mees ekonomiese metode om te gebruik tydens elke stap in die graan industrie nie a.g.v. van die koste en tyd verbonde aan so ’n tipe analiese. Graan moet getoets word tydens die invoer en uitvoer proses by hawens en grense om te voorkom dat GMO positiewe graan nie gebiede binne gaan waar dit verbied word nie. Toetse moet gedoen word nadat graan die proseseerders bereik het sodat enige kontaminasie wat kon plaasvind tydens die laai en vervoer van die graan op getel kan word. In meeste gevalle word die bogenoemde toetse afgeskeep omdat PKR ’n ingewikkelde en tydrowende tegniek is. Meeste van die industrie, boere en verbruikers in kluis, het die behoefte aan vinnige GMO toetse waar resultate onmiddelik beskikbaar is. Die tipe toetse laat graan vinniger deur die verskaffings ketting beweeg. Die grootste behoefte in enige industrie, is die behoefte aan tyd, en tyd, is presies wat hierdie vinnnige lateriale vloei toetse bied. Hierdie tipe toetse is ’n groeiende tendens wat vinnige besluite aangaande storing en vervoer van produkte moontlik maak. Bron: Stargate Scientific. Besoek www.stargatescientific.co.za of skakel hulle by 011 675 7433. 5. Nasionale strategie en regeringskontakte Departement van Landbou, Bosbou en Visserye Direktoraat Genetiese Hulpbronne Tel: [phone] Die Direktoraat Genetiese Hulpbronne by die Departement van Landbou, Bosbou en Visserye administreer die Wet op Planttelersregte 15 van 1976, soos gewysig in 1996. Die doelwit van hierdie Wet is om ’n stelsel te bied waardeur intellektuele-eiendomsregte (planttelersregte) met betrekking tot ’n verskeidenheid plantsoorte toegestaan en geregistreer kan word. Registrateur vir die Wet op Planttelersregte Tel: [phone] [email protected] Registrateur vir die Wet op Geneties Gemodifiseerde Organismes, 1997 Tel: [phone] [email protected]