359
die webwerf van die Departement van Omgewingsake by www.
environment.gov.za.
• Departement van Hoër Onderwys en Opleiding (DHET) www.
dhet.gov.za
• Die Departement van Arbeid is in beheer van die Werkloosheidversekeringsfonds (UIF), wat geld uitbetaal aan werkers wat uit diens
gestel is. Dié fonds gebruik ook geld om te belê in werkskeppingsinisiatiewe, om die opleidingskema vir tydelike ontslag en ander
projekte waarby werklose persone kan baat, te ondersteun. Vir
inligting oor die Departement van Arbeid en sy aktiwiteite, besoek
www.labour.gov.za.
• Hefboomfinansiering kan gegee word vir die staatsondernemingopleidingsvermoëns, om die lewering van ambagsmanne en
gespesialiseerde vaardighede te verhoog. Hul besonderhede is op die
webwerf van die Departement van Openbare Ondernemings
beskikbaar, www.dpe.gov.za.
• Departement van Openbare Werke www.publicworks.gov.za
• Departement van Maatskaplike Ontwikkeling www.dsd.gov.za
• Die Departement van Handel en Nywerheid (DHN) is die
hoofrolspeler in die land se ekonomie – www.thedti.gov.za. U sal
verder in die hoofstuk lees oor die nywerheidsbeleid-aksieplan (IPAP).
• Die Nuwe Groeibaan (NGP) is ontwikkel deur die Departement van
Ekonomiese Ontwikkeling (EDD). Lees verder in hierdie hoofstuk
hieroor, of vind inligting op die webwerf, www.economic.gov.za.
• Nasionale Beplanningskommissie www.npconline.co.za
• Die Nasionale Tesourie het ’n R9 miljard- Jobs Fund, wat daarop
gemik is om 150 000 poste te skep oor ’n tydperk van drie jaar.
Aansoeke van maatskappye en niestaatsorganisasies met innoverende
werkskeppingsprojekte word verwelkom. Kyk na www.treasury.gov.za.
• Die Presidensiële Infrastruktuurkoördineringskommissie (PICC),
onder voorsitterskap van die President, bestaan uit die Departement
van Prestasiemonitering en -Evaluering, die Departement van Finansies,
die Suid-Afrikaanse Plaaslike Regeringsvereniging (SALGA) en die nege
provinsiale premiers. Die PICC sal die langtermyn-infrastruktuur wat
opgerig word, integreer en koördineer.
• Statistiek Suid-Afrika behartig die Quarterly Labour Force Survey, ’n
huishouding-gebaseerde steekproefopname. Data word ingesamel oor
die arbeidsmark-aktiwiteite van individue van 15 jaar en ouer wat in
Suid-Afrika woon. Besoek www.statssa.gov.za.
Die Nasionale Beplanningskommissie (NPC) het in sy diagnostiese
verslag nege uitdagings geïdentifiseer wat Suid-Afrika teen 2030 te bowe
moet kom. Twee van hierdie uitdagings is “krities en onderling verwant”
en “moet die hoogste prioriteit geniet”: daar is te min mense wat werk en
die gehalte van opvoeding aan die meerderheid is swak. Die kern van die
NPC is om armoede en ongelykheid te bekamp.
“Versuim om hierdie uitdagings aan te pak, sal waarskynlik ekonomiese
daling, afname in lewenstandaarde, toenemende mededinging om
hulpbronne, en sosiale spanning meebring ... Suid-Afrika moet so ’n
verwoestende siklus vermy”.
“… die land se ontwikkelingspaadjie het nie geleenthede vir swart SuidAfrikaners – in die besonder vroue en jongmense – aansienlik verbreed
nie. Wat dit beteken is dat – met die uitsluiting van politieke regte en
ekonomiese voordele vir diegene met toegang tot indiensnemings- of
bemagtigingsprogramme – die sosiaal-ekonomiese toestande wat die
stelsel van apartheid en kolonialisme gekenmerk het, steeds grootliks ons
sosiale realiteit definieer”.
Suid-Afrika het die potensiaal en kapasiteit om armoede uit te skakel en
ongelykheid te verminder gedurende die volgende twee dekades.
• Die Diagnostiese Verslag en die Nasionale Ontwikkelingsplan is
beskikbaar by www.npconline.co.za.
• Die geanimeerde video’s “9 Challenges facing South Africa
– Diagnostic Report – National Planning Commission (NPC)” is
beskikbaar by www.youtube.com
Die regering het die Nuwe Groeibaan (NGP) aangeneem as die raamwerk
vir Suid-Afrika se ekonomiese beleide. Die NGP plaas indiensname in die
kern van die regering se pogings en doelwitte om die produktiewe sektore
van die ekonomie te herbou en weg te beweeg van ’n verbruiksgedrewe,
onvolhoubare groeibaan. Die mikpunt is om vyf miljoen werksgeleenthede
te skep teen 2020 en werkloosheid te laat afneem tot 15%. Met die NGP
word daar gepoog om op ’n “massaskaal” geleenthede vir mense te skep in
infrastruktuurontwikkeling, landbou, mynbou en veredeling, vervaardiging,
die “groen” ekonomie en toerisme.
Die Nywerheidsbeleid-aksieplan (IPAP), wat onder die Nuwe
Groeibaan val, het sektore soos klerasie en vervaardiging gestabilisee