351
2. Internasionale sakeomgewing
Die Grundfos webwerf [kyk http://za.grundfos.com] haal navorsing op
webwerwe soos die Verenigde State se Omgewingsbeskermingsagentskap
en die Verenigde Nasies Bevolkingsfonds aan om ’n paar interessante feite
aan ons te bring:
• Elke spoel van ’n toilet gebruik dieselfde hoeveelheid water wat een
persoon in die Derdewêreld heel dag gebruik vir was, skoonmaak,
kook en om te drink.
• Twaalf miljoen mense sterf jaarliks omdat hulle geen toegang tot veilige
drinkwater het nie, insluitend meer as 3 miljoen mense wat sterf van
siektes wat met water oorgedra word.
• Die gemiddelde afstand wat ’n vrou in Afrika en Asië loop om water te
gaan haal is 6km.
• Die gewig van water wat vroue in Asië en Afrika op hulle koppe dra
is gelyk aan die maksimum gewig wat deur lugdienste toegelaat word
– 20kg oftewel 44pond.
• Vroue is die primêre versorgers van daardie mense wat siek word
as gevolg van water-verwante siektes, wat hulle tyd verminder vir
opvoeding en produktiewe ekonomiese aktiwiteite.
• Een uit elke drie vroue in Egipte loop meer as ’n uur per dag vir water;
in ander dele van Afrika kan die taak soveel as agt ure neem.
Volgens die Verenigde Nasies is daar meer as 250 internasionaal-gedeelde
riviere wat bykans die helfte van die wêreld se landoppervlakte beslaan
sowel as onnoembare gedeelde akwifers.
Omtrent 300 potensiële konflikte is reeds rondom die wêreld
geïdentifiseer maar geskiedenis het bewys dat weinig, indien enige van
hierdie potensiële konflikte moontlik sal lei tot gewapende konflik.
Gedurende die afgelope eeu is slegs sewe geringe konflikte oor water
gedokumenteer. Daar word egter verwag dat in die toekoms bykans
al die wêreld se groot riviere onder meer druk sal kom om water vir
landbou en industrieë sowel as drinkwater vir die bykans 3 miljard meer
mense wat na te wagte gebore gaan word te voorsien voor daar verwag
word dat die wêreld se bevolking gaan begin afneem.
Volgens die VN sal daar teen 2025, bykans een in elke drie mense in lande
leef wat geaffekteer word deur watertekorte. Watertekorte affekteer
reeds 450 miljoen mense in 29 lande en, volgens die Wêreld waterforum,
is spanning oor waterregte en toekennings aan die toeneem. Laas jaar
het die Pentagon voorspel dat waterdispute op die wêreld se agenda in
globale politiek meer aandag sal geniet in die komende jare.
Bron: ’n uittreksel uit “Water: a new source of confict” op www.mg.co.za. .
Party belanghebbendes en webtuistes
• www.globalwaterresearchcoalition.net is die webtuiste van die Globale
Waternavorsingskoalisie (GWRC)
• IHP-HELP Centre for Water Law, Policy and Science – www.
dundee.ac.uk/water
• International Centre for Integrated Water Resources
Management (ICIWaRM) – www.iciwarm.org/en/
• Die Internasionale Waterbestuursinstituut (IWBI) produseer
openbare goedere – instrumente en kennis – om ontwikkelende lande
te help om ‘more crop per drop’ te verkry van water wat gebruik
word vir voedselproduksie. Besoek www.iwmi.org.
• International WaterCentre – www.watercentre.org
• Regional Centre for Training and Water Studies of Arid and
Semi-arid Zones (RCTWS) – www.rctws.com
• Regional Centre on Urban Water Management (RCUWM)
– www.rcuwm.org.ir
• Vind die “Water”-opsie by www.unesco.org, die Verenigde Nasies
Opvoedkundige, Wetenskaplike en K [ \