214
• API Service GL-5 beskryf ’n spesifikasie wat bevredig kan word deur ’n
meerdoelige ratolie, wat normaalweg aan die vereistes van die militêre
spesifikasie MIL-L-21058 voldoen.
Wat veroorsaak dat hidrouliese vloeistof skuim?
Dit word normaalweg deur kontaminante soos onsuiwerhede en water
veroorsaak. Nog ’n algemene oorsaak is belugting, wat deur ’n luglekkasie
in die hidrouliese stelsel veroorsaak word.
Is die behoorlike berging en hantering van brandstowwe
en smeermiddels werklik so belangrik as wat sommige
verteenwoordigers van oliemaatskappye te kenne gee?
Ja! Die bron van baie klagtes oor brandstof en olie is dikwels te vinde in
die brandstofopgaartenk of oliedrom, nadat die produkte afgelewer is. Dit
is uiters belangrik dat water en ander kontaminante uit brandstowwe en
smeermiddels gehou word deur dromme onderdak of op hul sykante te berg
om te verhoed dat reënwater deur die prop insypel. Brandstofopgaartenks
moet volgehou word om die versameling van vog weens kondensasie te
verhoed, en smeermiddelhouers moet dig toe gehou word wanneer dit nie
gebruik word nie.
Veiligheid moet ook in ag geneem word wat die hantering van
petroleumprodukte, brandolie, dieselbrandstof, paraffien en petrol betref.
Nalatigheid en foutiewe hantering kan ontploffings en brande veroorsaak.
Petrol moet nooit met ander produkte vermeng word nie, omdat dit ’n uiters
vlugtige materiaal is. Slegs ’n geringe hoeveelheid petrol in dieselbrandstof
of paraffien sal die vlampunt verlaag en ’n ernstige veiligheidsrisiko skep.
Word olie minder doeltreffend wanneer dit geberg word?
Nee, mits dit behoorlik geberg word en kontaminasie nie plaasvind nie.
Bron: ENGEN
5. Nasionale strategie en regeringskontakte
’n 20-jaar-lange vloeibarebrandstofinfrastruktuurplan word verwag.
Die toepaslike regeringsdepartement is die Departement van Energie.
Klik op die skakel “Contact Us/Regional Offices” by www.energy.gov.za om
provinsiale kontaknommers te bekom. Die nasionale telefoonnommer is
012 317 9000.
Die Nasionale Energiereguleerder (NERSA) het ’n mandaat om die
petroleumpypleidingbedrywe ingevolge die Wet op Petroleumpypleidings
60 van 2003 te reguleer. Besoek www.nersa.org.za.
Die SEF-maatskappygroep
www.cef.org.za
SEF is ’n privaatmaatskappy wat ingevolge die Maatskappywet ingelyf is en
deur die wet op SEF gereguleer word. Kry kontakbesonderhede en inligting
oor die volgende op www.cef.org.za:
• PetroSA
• iGas
• Petroleum Agentskap SA
• Oil Pollution Control SA (OPC SA)
• Nasionale energiereguleerder van Suid-Afrika (NERSA)
• Die Strategiese Brandstof Fonds
• Energie-ontwikkelingskorporasie (EDC)
Die brandstofprys in Suid-Afrika is gekop V