213
Skoner diesel verseker nie net dat komponente langer hou nie, maar
hou ook ander voordele in, soos verbeterde brandstofverbruik en laer
versieningskoste.
Met Donaldson se volle reeks vooraf reinigers kan u die werking van u
lugfilter verleng deur tot 90% van die onsuiwerhede en kontaminante
te verwyder voordat dit die filter bereik. Die vooraf reinigers is veral vir
toerusting ontwerp wat in hewige stof- en steengruisomgewings gebruik
word, soos landbou- en konstruksievoertuie en mynboutoerusting.
Die Donaspin™ en TopSpin™ is selfreinigend en verg geen onderhoud
nie. Dit bied ook ’n laer beperking, wat beteken dat :
• u enjin makliker “asemhaal”
• u lugfilterelement-gebruik kan verminder
• u koste per bedryfsuur laer sal wees
Bron: Donaldson Filtration Systems Edms (Bpk). Skakel 011 997 6000 of besoek
www.donaldson.co.za
4. Vrae wat dikwels gestel word
Watter tipe enjinolie behoort ek in my plaastoerusting te gebruik?
Die eienaar van die toerusting behoort altyd olie te kies en te gebruik wat
minstens aan die minimum API- werkverrigtingsklassifikasie voldoen wat
deur die vervaardiger aanbeveel word. Die meeste petrolaangedrewe enjins
vereis ’n olie met ’n API-spesifikasie van SG of beter. Landboudieselenjins
vereis olie met ’n API-spesifikasie van CF-4 of beter.
Wat beteken ’n API-diensverrigtingsklassifikasie-stelsel?
Hoe dikwels behoort ek enjinolie in my trekker te vervang?
Indien u trekker in ’n goeie meganiese toestand is, die aanbevole tipe smeerolie
gebruik en in normale bedryfstoestande werk, moet u die aanwysings in
die eienaarshandleiding volg. Indien enige van die omstandighede grootliks
daarvan verskil, behoort die aftap-tussenposes dienooreenkomstig verkort
te word.
Kan olie verweer?
Die funksies van die enjinolie is om te smeer, af te koel, te seël en te reinig.
Wanneer ’n olie sy vermoë verloor om enige van hierdie funksies uit te
voer, is dit verweer. Kontaminasie van olie vind in alle enjins plaas. Die
kontaminante is brandstof wat nie verbrand het nie of slegs gedeeltelik
verbrand het; produkte afkomstig van brandstofverbranding, insluitend
water, roet en stof. Hierdie kontaminante vernietig uiteindelik die olie se
vermoë om doeltreffend te werk. Olie behoort vervang te word voordat
dit hierdie toestand bereik. Enjins sal beter en langer diens lewer indien die
olie vervang word, soos aanbeveel.
Hoe doeltreffend is oliefilters, en hoe dikwels behoort dit vervang
te word?
Oliefilters behoort vervang te word volgens die instruksies in die handleiding.
Indien dit behoorlik versien word, is dit baie doeltreffend om die groter
soliede deeltjies wat die olie besmet, te verwyder, wat slytasie verminder en
die enjinleeftyd verleng. Ten spyte van oliefilters moet olie steeds gereeld
vervang word.
Wat kan die oorsaak daarvan wees dat een tipe olie uitermate dik
word in teenstelling met ’n ander tipe, wanneer albei by dieselfde
temperatuur en met dieselfde lading gebruik word?
Hierdie stelsel, wat deur die Amerikaanse Petroleum-instituut ontwikkel is,
dien as riglyne vir die keuse van krukas-olies wat vir verskillende toestande
geskik is. Dit klassifiseer algemene werkverrigtingsvereistes soos volg:
• enjinontwerp en -samestelling
• smeerolies
• bedryfstoestande
• instandhoudingspraktyke
• brandstof-eienskappe
Uitermate verdikking van smeerolie hou verband met die hoeveelheid
kontaminante wat dit bevat en die mate waarin die olie geoksideer het.
Byvoorbeeld, soliede kontaminante, soos fyn koolstof (roet) wat in
dieselenjin-olies versprei, kan erge verdikkin rfW&