156
• Veld wat gerus het, bevat ’n hoë verhouding smaaklike spesies en
voorsien uitstekende wintervoer.
• Veld wat gerus het, bevorder groeikrag en die teruggroei van plante.
Grondgebruikers kan die volgende maatreëls toepas om hul grond
teen agteruitgang te beskerm:
• Verminder die aantal vee wat op veld wei wat tekens van agteruitgang
toon, of skuif die vee.
• Gebruik ’n geskikte weidingsgewas om die natuurlike weiding aan te
vul.
• Indien enige deel van die veld tekens toon van winderosie, moet
geskikte windheinings (óf meganies óf biologies) geskep word. Ontblote
areas moet met takke, hooi, oorblyfsels van die oes wat rondlê of enige
ander geskikte materiaal bedek word.
Die rotasie van weiding word sterk aanbeveel. Omheining help met
die indeling van kampe en word as ’n bestuursinstrument gebruik om
veldtoestand te beheer.
Die eiendom moet volgens veldtipes ingedeel word in bestuureenhede
op grond van ekologiese beskouings soos die helling van die grond,
die rigting waarin die helling wys, die plantdigheid, die afstand van ’n
waterbron , of dit ’n vlei is en ander faktore. Hierdie veldtipe-eenhede
moet die grondslag van alle bestuursbesluite vorm.
Indien nodig kan heinings opgerig word om bepaalde veldtipes te skei
en om te verhoed dat diere slegs op een tipe weiding (byvoorbeeld
’n noordelike helling) saamdrom en ander gebiede (byvoorbeeld die
bergkruin of suidelike hellings) ignoreer. As omheining onprakties of
onbekostigbaar is, kan verskillende veldtipes in suurveldgebiede op
verskillende tye van die jaar gebrand word om diere aan te moedig om
van die een gebied na die ander te beweeg.
As vee deur ’n veewagter opgepas word, of as waterpunte en lekplekke
geroteer word, kan dit ook meebring dat diere van die een gebied na
’n ander verskuif. As omheining baie duur is, kan die boer oorweeg om
slegs klein, waardevolle gedeeltes van die eiendom (byvoorbeeld vleie of
rivieroewers) te omhein.
6. Nasionale strategie en regeringskontakte
Die regering het die grasveldbioom as ’n prioriteit vir bewaringsoptrede
geïdentifiseer en sal die Nasionale Grasveldprogram in werking stel om die
omgewing van agteruitgang te red.
Departement van
Omgewingsake (DEA)
Tel: 012 310 3911
www.environment.gov.za
Die
Landbounavorsingsraad
(LNR) is betrokke by weiveldmonitering. Kry besonderhede
onder opskrif 7.
Departement van Landbou,
Bosbou en Visserye
Direktoraat Grondgebruik en
-bestuur
Tel: 012 319 7686
www.daff.agric.za
Suid-Afrikaanse Nasionale
Biodiversiteitsinstituut
(SANBI)
Grasveldprogram
Tel: 012 843 5000/99
www.grasslands.org.za
7. Belanghebbendes
Verenigings en NRO’s
Endangered Wildlif RG'W7@