128
hulpbronne en goeie
landboupraktyk
Biologiese boerdery
Sien ook die “Bewaringsgrondbewerking”, “Erdwurms en wurmkompos”,
“Kompos en kompostee”, “Organiese boerdery“ en “Spesialiteitskunsmis”
hoofstukke.
1. Oorsig
• Biologiese boerdery gebruik die natuur en wetenskap om die kwaliteit
van die grond op te bou. Wanneer die gesondheid van die grond
verbeter word, verbeter dit terselfdertyd die gesondheid van plante,
diere en die mens.
• Dit maak gebruik van natuurlike prosesse wat wisselbou,
bewerkingsmetodes, die aanplant van groen bemesting, doeltreffende
veemisbestuur, vermindering van toksien, bevordering van grondlewe
en balansering van die grondminerale insluit. Natuurlike prosesse en
stelsels verbeter die grondstruktuur en beheer ook onkruid, peste en
siektes en verbeter die kwaliteit van die gewas.
• Saam met natuurlike stelsels en metodes, inkorporeer biologiese
boerdery die beste van konvensionele metodes om produksievlakke
en kwaliteit te handhaaf.
• Biologiese boere vermy die gebruik van skadelike chemikalieë soos
onkruiddoders, plaagdoders en sekere bemestingstowwe wat lewe in
die grond vernietig. ’n Biologiese boer kan moontlik in ’n noodgeval
minder gevaarlike chemikalieë gebruik om sy oes te red, maar sal
terselfdertyd maatreëls tref om die grondlewe te herstel deur produkte
soos kompostee en mikrobes te gebruik om die grond te suiwer van
skadelike chemikalieë.
• Biologiese boerdery is 80% op pad na organiese boerdery – dit is
relatief eenvoudig vir ’n goed gevestigde biologiese boer om oor te
skakel na organiese boerdery.
• Biologiese boerderymetodes bied ’n lewensvatbare manier om hoë
kwaliteit voedsame produkte te produseer sonder die gebruik van nieorganiese kunsmis, plaagdoders of genetiese modifikasie.
Die reëls van biologiese boerdery:
• toets en balanseer grondtipes deur ten minste 21 parameters te
gebruik – die Albrecht-stelsel
• gebruik slegs grondvriendelike bemesting
• gebruik die minimum onkruid- en plaagdoders
• gebruik gesonde verbouingspraktyke
• gebruik peulgroente in gewasrotasie
• geb