Waraysi Gaar ah:
Qoraa: Saciid Cali Shire
Dhambaal: Qoraa Saciid Cali
Shire ku soo dhowow Dhambaal. Hambalyo iyo soo dhowayn ka gadaal, waxaad dib
u daabacday saddexdii buug
ee Furaha Ganacsiga, Hoggaamiye iyo Bangiyada Islaamka. Maxaa keenay in dib
loo daabaco saddexda buug?
Saciid Cali Shire. Haa, waa dhab,
oo sidaad sheegtay waxaan dib
u daabacay saddexdii buug.
Laba arrimoodba way keeneen
in dib loo daabaco saddexda
buug: Waa marka koowaade,
sidaad la socotid saddexda buug
waa buugaag cilmi ah oo loogu
talo galay, loona isticmaalo, heer
jaamicadeed. Cilmiguna ma aha
wax taagan oo maalin walba
waxbaa ku soo kordha. Marka
ujeeddada 1aad waxay ahayd in
aan buugaagta ku soo kordhino
wixii aqoon ku soo korortay saddexdaas mawduuc. Waa marka
labaade, saddexda buugba waxay ku salaysnaayeen cilmibaaris
4
lagu sameeyey Soomaaliya iyo
Soomaalida. Waxaa sidoo kale
laga isticmaalaa xarumo cilmi.
Marka, ujeeddada labaad waxay
ahayd in aan ku soo kordhinno
waxyaabihii ku soo kordhay
cilmibaaristaas aan ku samayno ganacsiga iyo hoggaanka
Soomaalida iyo waxyaabihii ay
lagama maarmaanka u arkeen
xarumaha cilmiga ee Isticmaala
saddexda buug.
Dhambaal: Adigoo soo koobaya, Saciid, ma la wadaagi kartaa akhristayaasha
waxyaabaha aad ku soo kordhisay saddexda buug?
Saciid: Saddex wax ayaan ku
soo kordhinay saddexda buug:
(1) buugaagta qaarkood, sida
Furaha Ganacsiga iyo Hoggaamiye, waxaan ku soo kordhinay cutubyo cusub; (2) buugaagta oo dhan waxaan ku soo
kordhinay wixii cilmibaaris ama
aragtiyo cusub ku soo siyaaday
mawduuc kasta afarii sano ee la
soo dhaafay; (3) waxaan sidoo
kale ku samaynay dib u qurxin
iyo dib u Ņ