Contemporary Eurasia VI (2) Contemporary Eurasia VI (2) | Seite 92
ՀԱԿԱՄԱՐՏՈՒԹՅՈՒՆՆԵՐԻ ԿԱՐԳԱՎՈՐՄԱՆ ՄԻՋԱԶԳԱՅԻՆ ՓՈՐՁԻ …
քրդերի հասարակական կառուցվածքի և հարաբերությունների
և մի շարք այլ թեմաներ:
Գնահատելով կլոր սեղանի ընթացքում հնչեցրած մոտե-
ցումներն ու կարծիքները՝ Ռ. Սաֆրաստյանը նշեց, որ համոզ-
ված է, որ տեղի ունեցած հանրաքվեն պետք է դիտարկել լոկ
քայլերից մեկը քրդական պետության ստեղծման երկար ու
փշոտ ճանապարհին և չպետք է գերագնահատել դրա նշա-
նակությունը: Միաժամանակ քրդական գործոնն իր ընկալ-
մամբ աստիճանաբար կստանա ավելի մեծ նշանակություն,
ինչը էլ ավելի կթեժացնի Մերձավոր Արևելքում ծավալվող աշ-
խարհաքաղաքական հակամարտությունը գլոբալ ու տարա-
ծաշրջանային մի շարք ուժերի կենտրոնների միջև: Այն կարելի
է որոշ չափով նմանեցնել XIX դարում Բրիտանական և Ռու-
սական կայսրությունների միջև ծավալված աշխարհաքա-
ղաքական պայքարին, որը մասնագիտական գրականության
մեջ ընդունված է բնութագրել որպես «Մեծ խաղ»: Ուժային
կենտրոնների միջև աշխարհաքաղաքական հակամարտու-
թյան թեժացումն իր հերթին կազդի քրդական գործոնի վրա, և
նրա շուրջ ընթացող զարգացումները կստանան գիտական
առումով էլ ավելի հետաքրքիր և միաժամանակ դժվար կան-
խատեսելի բնույթ: Այսպիսով, քրդական գործոնը դեռևս եր-
կար է գտնվելու գիտական և քաղաքական քննարկումների
առանցքում, որոնցում մեր ինստիտուտը նույնպես կունենա իր
ներբերումը:
92