Contemporary Eurasia, Economic and Political Issues, volume V (1) Contemporary Eurasia volume V (1) | Page 75
ԳՈՌ ԳԵՎՈՐԳՅԱՆ
Արաբական երկրներում և մասնավորապես Եգիպտոսում
ընթացող որակապես նոր քաղաքական զարգացումների
նկատմամբ ԱՄՆ-ի դրական դիրքորոշման մասին է վկայում
նաև աննախադեպ թափանցիկ և անաչառ խորհրդարանական
ընտրություններին հաջորդած այլընտրանքային նախագահա-
կան ընտրությունների արդյունքների հավանությունը: Առհա-
սարակ Արևմուտքը և մասնավորապես ԱՄՆ-ը սառը պատե-
րազմի ավարտից հետո պարբերաբար արծարծում էին Մեր-
ձավոր Արևելքի որոշ երկրների հասարակական-քաղաքական
համակարգերի արդիականացման անհրաժեշտության մասին:
Արդարացի լինելու համար պետք է նշել, որ սկսած XX դ.
80-90-ական թվականներից՝ համաշխարհայնացման գործըն-
թացների համատեքստում արաբական մի շարք երկրների կող-
մից քաղաքական համակարգի արդիականացման քայլեր էին
նախաձեռնվում, մասնավորապես ստեղծվում էին մարդու իրա-
վունքների պաշտպանության կոմիտեներ, աշխատանքային
խմբեր, նույնիսկ նախարարություններ էին ստեղծվում, որոնք,
սակայն, սոսկ ձևական բնույթ էին կրում: Մեծ հաշվով արաբա-
կան այդ երկրների կողմից կատարված նմանատիպ քայլերը
միտված էին իրենց իսկ քաղաքական կարգավիճակն ամրա-
պնդելուն և վերարտադրելուն:
Հանրապետական Եգիպտոսի պատմության մեջ առաջին
այլընտրանքային նախագահական ընտրությունները կայացան
2005 թ. սեպտեմբերի 7-ին, որոնց ընթացքում հաղթանակ
տարավ դարձյալ 1981 թ. իշխանության գլուխ կանգնած Հոսնի
Մուբարաքը 17 : Նշված ընտրությունները հնարավոր եղավ անց-
կացնել 2005 թ. մայիսի 25-ին Եգիպտոսի սահմանադրության
մեջ փոփոխություններ անելուց հետո, ինչը հնարավորություն
էր ընձեռում գործող կուսակցություններին նախագահի թեկնա-
ծուներ առաջադրելու: Համաձայն սահմանադրական փոփո-
խությունների՝ սկսած 2011 թ. նախագահական ընտրություննե-
րին թեկնածուներ առաջադրելու իրավունք կունենա միայն այն
կուսակցությունը, որն առնվազն հինգ տարվա ընթացքում
17
չէր, այլ մոլեկրոն ու ծայրահեղակա