Nuacht na hÉagraíochta
Cruinniú Chinn Bliana
Is i bhForas na Gaeilge a bhíomar i mbliana don Chruinniú Cinn Bhliana ar an 23 Deireadh Fómhair 2011 – ag plé rudaí tábhachtacha maidir leis an eagraíocht ach ag ceiliúradh Oíche Shamna ag an am céanna! ‘Bhfuil aon rud níos fearr ná cruinniú a mheascadh le cóisir?? Ní fiú muid féin a chur thar ár riocht le hobair! Bhí lá iontach againn le cluichí traidisiúnta Samhna, ealaín agus ceardaíocht, aghaidh dhathú, cruinniú spéisiúil agus blaisíní deasa le n-ithe. Chomh maith le sin, bhí na páistí uilig gléasta go hiontach i mbréag-éadaí den scoth! Bíonn fáilte roimh gach ball freastal ar an mór-ócáid bhliantúil seo agus deis acu a dtuairimí maidir le hobair na heagraíochta a nochtú. Bí cinnte a bheith linn i 2012!
Grúpaí Tuistí & Leanaí
Tá líon mór grúpaí tuistí agus leanaí ag feidhmiú anois faoi stiúir Chomhluadair – i ngach cearn den tír! Tá an fás agus borradh fós ag dul ar aghaidh le grúpa nua tosnaithe i gCaisleáin a’ Uidhleann, Co. an Dúin agus Baile Átha Cliath i 2011 agus grúpa nua eile ag tosnú i gCill Mhantáin, Co. na Mí agus Co. an Chláir i 2012.
Más spéis le ball ar bith freastal ar ghrúpa, cabhrú le grúpa a stiúradh nó a ghrúpa féin a bhunú, ní gá ach dul i dteagmháil linn san oifig agus cuirfear gach eolas agus tacaíocht ar fáil duit - [email protected]