INTELEKTUALNO- NUDISTIČKA LINGVISTIČKA 2
U kavec devetnajestega vika malo je koja do-
moća dimnja ili šjora znala plivot. Jedna od
ritkih, nojmlaja od tri ćere gospodora Jerolima
hodila je s jednin molin kaićen na vesla plivot
na Jerolim. Hodila je tamo jer je guštala bit
soma i mogla se gola prepustit suncu i moru.
Ma, jedon don su blizu nje arivale tri starije
gospoje iz Viene. Svukle su se gole, kako i
ona i rasćakulale meju sobon. Njoj je somo
njihovo prisustvo na njenon škoju cinilo fotu.
Zamotala se u šugamon, došla blizu njih, lipo
hi pozdravila i zamolila hi da se obucedu,
jerbo da ni u redu da plivodu gole. Jedna od
one tri Bečanke je u isti cas, ma kako za sebe
rekla: „O, izgleda da je gospodična moral-
ista!“. A ova naša nin je udija odgovorila: „Ne,
gospođe, ja sam esteta!“. Ura od vecere, cilo fameja sedi na teracu ispri
kuće, a kraj njih Helmut ceko ženu Gertrudu
da se uredi za poć vonka. Mati kroz ponistru
od kuhinje dodoje pjate i spizu i iz krejonce
pito: „Helmut, HOĆEŠ IST?. A on, kako iz
topa: „Was?! Ich bin kein Faschist!“
STUDENTSKA
Pocetkon pasonega vika, kad je voda bila
skupja od vina, domoći student iz Praga doša
doma na „ferije“ i zateka oca, cilega konfundi-
venega, di sedi na prog od kuće. „Zdravi bili,
ćaća, ce ste slabe voje, ol ste maroti?“ „Ma
nison.“ „Ol je introda bila slaba ovo godišće?“
„Ma ni sinko, bila je dobra, fala Bogu!“. „Onda,
ca će reć da ste slabe voje?“. „Di neću bit
slabe voje, kad ovi furešti prefin i guzicu pe-
redu s vodon“.
AMNEZIJA KAKO NOCIN ŽIVOTA
Posli drugega Velega rata jedna fameja sa
sinon jedincen afitovala je dvadesetak godišć,
dokle se sin ni oženi i doni nevistu. Otac je
umevrime umor, a mati je malo po malo pri-
pustila timun mlodima. U corno, s mohramon i
dalekin fuštonon ašeštila je koliko je mogla.
Ben, jedon don su arivali por mlodih Taljonoc i
vazeli kamaru s postejon od matremonija. Su-
tradon sekarvi vrog ni do mira i pitala je ne-
vistu: „Ma, jesu ono muž i žena?“. Nevista je
vižitala pasaporte i odgovorila: „Pari mi se da
nisu jer nimaju isto bezime“. Storo se, zabo-
ravivši da je soma afitovala dvadesetak
godišć, izlamenola i rekla: „Oboj meni, a spidu
u istu posteju“.
LINGVISTIČKA
U doba sedandesetih godišć pasonega vika
su domoći muški liti na teracu hotela Slavija
igrali na korte. Jednon prilikon je jedon, sa
svojin kvartinon vina, kibiciro kvartir na
trešetu. U jednemu momentu, malo pri nego
će doć vapor, doša mu je iza škinih jedon Ni-
jemac i zabrinuto ga je ništo pito, fola Bogu na
njemačkemu. A ovi, bez se okrenit: „Poglej
ovega monu. Govorin devet jazikih, a on me
noša pitat ništo na desetemu“.
MISTERIJA
U kavec desetega miseca, jedno godišće se-
dandesetih devetnajestega vika, dizo je jednu
pristavu u Mekićevicu, ca je voda razvolila u
jematvu. Okolo ure od marende je na žolo
odoćo jednega cjadina ca se svuka gol i lega
na šugamon. Svako malo ga je pogleduvo i
penso „Ma kad će se ćapat posla?“. A oni cili
don, malo plivo, pok se s nicin maže, pok leži
na oni šugamon bez kucka i mocka kraj sebe.
I ovi naš bidan težok, kad je diga onu pristavu,
vej dobro iza podneva, osedlo ugotu i uputi se
pul doma. I cilin puten je penso kako će oni ca
je osto na žolo poć glodan leć jerbo danas ni
ćapo žurnotu.