RINO BUDROVIĆ BENE— RAZGOVOR S P( R) OVODOM
RINO BUDROVIĆ BENE— RAZGOVOR S P( R) OVODOM
Celegat: Kako ste? Bene: Jo son dobro, somo mi fali arije jer son uvik u zatvoreno i zagušljivo. Celegat: Pričo se po Foru da Vam Marinko doje ploću? Bene: Ma neka Marinko muci jer koliko mu reklame cinin mora mi plotit baren svaki treći gemišt. Je znoš ti somo koliko son dokumentih i papirih potpiso na njegov šank. Pari mi se da je njegov šank svet, a i koliko mi svita ploti gemišt, ali sad sve manje i manje. Celegat: Rekla je teta Dora, da ni potriba niko drugi dok je Bene živ? Bene: Teta Dora je Broška. Jo volin Titota kako ona. Tito je bi predsjednik dok je bi živ. Celegat: Ko vam je boji prijatej, Bankir ili Smrček? Bene: Od Smrčeka me boli glova, a Bankir je moj savjetnik. Bankir je takozvani spin doctor. On somo mora govorit ca jo hocu i bronit mene. To ti je siva eminencija. Celegat: Homo sad ozbiljno. Jeste gledoli film Supermen? Bene: Jo son Supermen. Meni Milanović rece: Di si Supermene. Ovin novi Bernardić mi govori: Di si Gemištmene. Celegat: Gradonačelnik, predsjednik SDP-a, vatrogasac, predsjednik TZ-a... ca von je nojdraže bit? Bene: Nisi spomeni da son lavuro u Mjesnu zajednicu. Zapravo mi je nojdraže bit bećar. Celegat: Koliko Spegra ploćo skladište u Arsenol za lavure po Foru? Bene: Spegra je rekla da će finit kazalište kad finu i svi ostali lavuri. U svim kvartovima se lavuro. Pa je ti slušoš ca jo govorin na vijeću? Celegat: Cujen da ce Gariful imat i parking na puntu rive, jeste vos dvo u dobrima? Bene: Kad se Riva fini Garifula štekat ce bit do pol porta, a Karpej do Delfina. A si misli da se Riva cini za se tamo šetat? Celegat: Koliko košto ura u novoj sportskoj dvorani ca ste napravili u ovemu mandatu? Bene: Radi se na temu. Ura će koštat koliko ura Parnega valjaka i Prljavog kazaišta. Puno Mišu mali, puno. Celegat: Reka mi je jedon penzioner da je Starački dom odličan i da uvedete alkohol. Bene: Ca bi on da jo buden parvi stanovnik u Domu. Starački dom će se počet grodit kad stori pomredu. To je ulaganje u budućnost. Celegat: Koji von je nojdraži vijećnik ili vijećnica? Nojdraži mi je SDP jer ništa ne govoridu, a kad Teota i Nadu Jeličić i vidin u vijeću odma mi gušterača prolavuro. HDZ niti ne postoji u For. Celegat: Recite mi koju oba vijećnicima, ko van je drog a koga ne morete vidit? Bene: Ne mogu oni bit dobri koliko ih jo mogu putih zajebat. Jes vidi da i HDZ glasa za mene? Celegat: Reka je Bankir da ste vi njegov moli od kužine? Bene: Bankir je svetac. Ca on reće jo se ne bunin. Celegat: Kad ce se zaposlit novi direktor TZ? Bene: Za ovo pijoncih i ni potriba TZ. Njima je potriba jedon alkoholog i psihijatar. Celegat: Je istina da Doro dohodi na lavur prin podne? Bene: Reka san prin 4 godišća da cu mu parvi don lavura dat otkaz. On lavuro jer meni još ni bi parvi don lavura. Kad buden jo poce ništo lavurat, onda ce Doro odletit u...( biiiiiiiip) Celegat: Jesu von onih 6 položili državni ispit? Bene: Oni su svi jedon provi ispit. Jedino ca su položili je to da svako vijeće govoridu kontra mene. Celegat: Ko će svirat za Novu godinu? Bene: Vidit cemo ko će koštat priko miljun kunih. Ca ce ti izvođač koji košto manje od miljuna. Celegat: Koja von je nojdraža poslovica? Bene: Iz čega si nastao zavisi od genetike – u šta ćeš se pretvoriti, zavisi od politike.( Voltaire) Celegat: Fola Von na razgovoru! Bene: Pero natoc, osušila su mi se usta od ovega intervjua...
21