SORTALDEA (1)
Azken hauetan, batxilergoko ikasle batzuk Bizkaiko sortaldetik barrena ibili
gara.
Gure txangoetan Lekeitio, Ondarroa eta Elorrio bisitatu ditugu eta edonork
ikusi beharko lukeen eskualdea delako ustearekin bueltatu gara etxera.
Lekeitio
Bilbotik orduro ateratzen den
A3512 autobusa hartuta ordu bat
eta erdi geroxeago Lekeitioko herri
entzutetsua aurkituko duzu.
Autobus geltokia herriaren
hasieran egoteak kaleetatik
murgiltzeko aukera oparoa
eskainiko dizu. Gamarra plazan,
portura jo ordez ezkerrerantz abiatzen bazara Abaroa jauregia topatuko
duzu, XIX. mendeko egitura dugu hau. Amaitutakoan, kai ingurura joatea
aukera hobezina da, hango edozein tabernatatik Andra Mari eliza
gotikoaren ikuspegiaz gozatzeko, Lea ibaiaren bokaleak sortzen duen gune
bakarraz ahazteke, noski.
Jon Larrinaga
Batxi. 1.D