cover girl
geskryf deur Francois olivier
“Dis nie noDig om soos ’n bus te
voel as jy swanger is nie”
hulle iets aantrek waarin hulle nie gemaklik is
nie. Dit maak jou selfbewus en mens kan dit van
’n myl af sien. Selfvertroue is belangrik! Daar is
niks wat rooi lippe nie kan regmaak nie.” Zetske
het onlangs ook ’n klerereeks begin vir swanger
vroue, Halo Maternity. “Dit is nie nodig om soos
’n bus te voel as jy swanger is nie, jy het die reg
om mooi te voel en jou magie af te wys.”
AlexAnder
Zetske en Altus het nie gedink dat hulle ’n
seuntjie sou kry nie en het net ’n string dogtertjie
name neergeskryf. Hulle het besluit om eers ’n
naam te kies wanneer hulle hom fisies gesien het.
Op 30 September 2016, is Alexander gebore, met
’n naam wat ‘verdediger van mense’ beteken. Met
sy geboorte het die dokters en susters gegons
oor hoe sterk hy is. “Ons het die naam Alexander
gekies omdat dit ’n sterk naam is. Ek het nog al-
tyd van die naam gehou. Ek en Altus sê altyd dat
dit spesiaal is dat ons name begin met die letters
waarmee die alfabet begin en eindig. Ons het
eers later agtergekom dat die naam Alexander
ook albei daardie klanke besit.”
Ons vra haar wie se persoonlikheid hy die
meeste na trek en sy antwoord met ’n passie wat
brand in haar oë. “Hy is uniek en hy het sy eie
persoonlikheid. Hy het beslis Altus se woeligheid
en besige natuur gekry.”
Ou en nuwe Zetske
Soos die titel van ouer nuwe geleenthede
bring, so weet ons ook dat ons van sommige ou
gewoontes moet afskeid neem. “In die verlede
kon ek en Altus lekker impulsief wees, nou vat
alles meer tyd en beplanning. Ons het altyd
tv-series ge-binge, maar nou slaap ons eerder in
ons af-tyd.”
drOme vir AlexAnder
Dit is so maklik om as ouer jou drome deur jou
kind uit te leef. “Dit is vir my baie belangrik om
nie vooropgestelde idees te hê van wat ek wil hê
hy moet word nie. Ek wil hom nie onbewustelik
in ’n rigting druk nie. My droom vir hom is dat
hy sy roeping sal vind en dat God hom sal seën
met geluk, gesondheid en guns. So baie jong
mense val rond omdat hulle nie weet wat hulle
doel in die lewe is nie. Ek dink Alexander het die
regte kombinasie van linker- en regterbrein, om
enige iets te kan word.”
12| september 2017|www.blossmag.co.za
die OpOffering
Ná haar metamorfose, deel Zetske oor hoe sy
haar ou self graag opoffer elke dag vir haar
seuntjie. “Ek moes my perfeksionisme prys gee”,
vertel sy. “Ek het geleer dat alles nie altyd op tyd,
perfek óf skoon hoef te wees nie. Ek moes veran-
dering en onvoorspelbaarheid aanvaar. Om ʼn
kind te hê, is glad nie glamorous nie. Jy is meeste
van die tyd óf vol kos, of spoeg. Die dag toe ek
my perfeksionisme laat gaan het, was die dag wat
ek besef het dat ek ’n gelukkiger mens is. Daar
bestaan nie iets soos die perfekte vrou of ma nie.
Ek het geleer om die lewe met al sy veranderinge
te omhels.”
Na ons kuier met Zetske, weet ons dat daar
nog baie wag vir hierdie sprankelvrou. Vir al
die vrouens en mammas daar buite, ons hier
by BLOSS glo in jou. Jy kan goed lyk en voel in
enige seisoen. Die wêreld lê en wag.
Õ