jel buju jih zrušili oni jel oč emo mi sami kak oč emo
a i kak bi jih zrušili kunst je to moreju le o na krov opasti i
hižu i vhiže
se zdrobiti
mene su poslali v selo šalit se da dete ne bi gledelo
(da ne bi pak tulilo kej gda su agaciju staru kre balenove kovač nice
sfundali
z ne su barem lepi sud zdelali
za rakiju)
mater je mam imela takaj nekakvoga posla v selu
a tata jim je sam pivu potoč il
posla je to
tulke leta z živoga v mrtvo prepelati
č as posla
kajuce
šezdesetdruge bila je tak jaka zima da su si govorili kak je samo pitajne dana
da se sava pokrije z ledom i vuki z bosne buju si prinas kej ni bilo nigdar
ovčari otam su več bili
tata jim je dal da si v naše štale ovce jajniju al ni to ne siromake male
jajneke oživelo
i legli su se mrtvi
i voče se od zime kolilo duž
a led je v jokešinskomu čeretu bil peden debel
merili su ga kej svinski špek na kolijnu
na led su smeli i oni kej jim nesu dali da se buju potopili
celi bi ibogi dan bila na ledu da nes baš v prvi razred krenula a dan je bil tak
kratek da je noč išla v noč
v nedelu nes z leda išla domom ni jest
celi sem dan drčala za decum kej su imeli sani i kajuce
boki su mi se bili plavi i zeleni kulko sem curela
onda je tata nekam išel i to videl i ne stal gda kajuce nesu bile gotove
če v pol noči v pol zel je i mene i kajuce i znesel nas na led
najprvo je del kajuce najne si je sel i mene v krilo del i pol me je noči črez
celi čret vozil i vozil
54