ena saga me vakataki Tevita na nona bula ena rawa ka vinaka
talega me vakataki koya.
E vakasaqara tiko na Kalou nai liuliu vinaka ena loma ni vuvale,
lotu, vuravura ni bisinisi kei na matanitu. E kaya ko John Maxwell,
“Na tubu kei na lutu ni veiqaravi ena vakatautaki ga vei ira era
veiliutaki tiko.” Oqo e tukutuku dina vei ira na Isireli ena gauna
koya, ka itukutuku dina talega ena gauna oqo. Ena gauna e
veiliutaki kina e Isireli e dua nai liuliu vinaka, e vakalougatataka
na Kalou na vanua; ia ni dua nai liuliu ca, e cudruva na Kalou na
vanua. Na veiliutaki e vaKalou ena vakaliuca na Kalou ena veika
kecega ka talairawarawa duadua ga ki na nona Vosa.
Taro me Veitalanoataki
1. Na cava e rawa ni ko cakava ena nomu vanua me ra rawa ni
liuliu vinaka kina me vaka na ka e nanuma na Kalou ko ira
era veiliutaki?
2. Na cava na vuna sa rui bibi kina na veiliutaki e vaKalou ena
veivanua kece?
3. “Na tubu kei na lutu ni veiqaravi ena vakatautaki ga vei
ira era veiliutaki tiko” (John Maxwell). Veitalanoataka
tale na vakasama oqo ka yavutaka mai na i vakamacala sa
toka e cake kei na veika ko sa vakadinadinataka vakataki iko.
16