Vuli 7: NA VOSA NI KALOU SA VU NI
BULA VEI IRA ERA VEILIUTAKI
Lesoni: Same 119:105
“A nomuni vosa na cina ki na yavaqu kei na rarama ki na noqu
sala.”
Ko Tevita e dua vei ira nai liuliu kilai vei ira na Isireli. E dina
ga ni tiko na nona malumalumu, a vakayagataki koya na Kalou
me vakadruka e dua na tuwawa, ka vueta na nona vanua mai na
veivakamaduataki kei na druka. Na veika oqo, a laveti koya ki na
i tutu ni veiliutaki e Isireli.
Kevaka eda vakadikeva sara vakamalua na ka vuni ni qaqa nei
Tevita, na bibi ni Vosa ni Kalou ena nona bula ena tiko duadua
sara ga e cake. Eda rawa nida vakadinadinataka oqo mai na tiki ni
Vola Tabu e cake kei nai vola taucoko ni Same e vola. E sega wale-
ga ni dua na dau sokalou ko Tevita, e tamata qaqa talega ena i valu.
A totolo sara na nona tubu cake ena yalo qaqa, e na vuku kei
na kaukauwa me vakatautauvatataki kei na nona yabaki ni bula.
Sa dau tu sara tu ga e liu ena nona bula ni veiliutaki ka qarava
vinaka taucoko sara na nona i tavi. A totolo sara talega na nona
yalomatua ena veiliutaki kei na nona veiqaravi. A vakaraitaka na
nona kila na Kalou ena nona bole me rau vala kei Koliaci ena
gauna era rere ka vunitaki ira kina ena nodra veivale laca na
sotia ni Isireli (1 Samuela 17:40-50). E matata na nona vakararavi
vakatabakidua vua na Kalou ka qarauna talega me nona ga
na Kalou na lagilagi ena veika kece e rawata ena nona bula.
E dina ga ni gone duadua vei iratou na veitacini e lewe walu, a
digitaki koya ga na Kalou. O koya e dua nai liuliu ka vakataka na
yalo ni Kalou na yalona (1 Samuela 13:14). Na cava e vakavuna na
nona cabeta nai tutu ni veiliutaki ena nonai tuvatuva na Kalou? O
koya e tamata e dau qarauna nai vakarau ni yalona me vinaka tu ena
veigauna kecega. E sega ni bibi vua na veika era raica na tamata e sau,
ia e vakabibitaka ga nai vakarau ni yalona e loma (2 Samuela 16:7).
Nai vakarau ni yalo e vaKalou e dau bucini ena nomu gauna
taudua vata kei na Kalou ena vanua ko sega ni laurai kina mai vei
ira na tamata. Nai vola ni Same (vola balavu duadua enai Vola
Tabu) e tukuniyalo vinaka ni vakarau ni yalo nei Tevita ena nona
bula ni qaravi Kalou kei na vakararavi duadua ga vua. Nai liuliu
15