EUSKARAREN ORRIA abril de 2018 | berberana | 19
Elkarrizketa Txandrio Bertso Eskolako kideei
Orlando Arreitunandia, Iker Olabarrieta
eta Unai Bengoetxeari
elkarrizketa egin diegu. Txandrioko
Bertso eskolaren ibilbidea
pixkat aztertu eta 2018ko
Arabako Bertso Kuadrillen arteko
txapelketaz aritu gara, baita
etorkizunaz ere.
Noiz eta nola sortu zen
Txandrio bertso eskola?
O: Aurretik bertso eskola izana
zen Oionen baina Txandrio
bezala 2009ko azaroan hasi ginen
biltzen 2010eko kuadrila artekoan
parte hartzeko.
I: Ni ere sasoi beretsuan hasi
nintzen, baina bertso idatzien
taldean parte hartu nuen Kuadrilla
arteko hartan.
Ordutik zer aldatu da?
O: Gazteagoak ginen eta garai
hartan Edurne Azkarate, Endika
Sarabia eta hirurok osatzen genuen
bat-bateko taldea.
I: Unai eta biok bat-batera
egin genuen salto 2011ean, harrezkero,
Orlandorekin batera
Arabako Errioxan hainbat saiotan
ibili gara kantuan, Kuadrilla
arteko txapelketan eta baita Arabako
bertsolari txapelketan ere.
U: Aldaketa nabariak izan
dira dudarik gabe. Urte hauetan
euskerak errioxan izan duena...
ikaragarria.
Eta zerk jarraitzen du berdin?
O: Lan taldean orduan gaur
bezala Arantxa dugu sustatzaile,
Alazne gai emaile, Mikel epaile
eta Ibai, Julen, Susana, Amagoia
eta abar laguntzaile.
I: Antzeko martxan gabiltza,
astiro-astiro, aurrera egiten.
Tartean hainbat irakasle izan
dira gu laguntzen: Iñigo Izagirre,
Julen Zulaika, Iñaki Viñaspre,
Uxue Diaz de Cerio... gaur egun
gure kontura gabiltza bertso “eskoban”.
Zein da bertsolaritzaren
egoera Arabako Errioxan?
O: Bizirik dago baina arnasa
berritzeko premian. Badago taldetxo
bat burua ateratzeko gogoz
eta horrek esperantzarako ateak
zabaltzen dizkigu.
I: Bertsozale elkartea eskualdeko
ikastoletan aspaldi dabil
hezkuntza formalean lanean eta
horren ondorioz gaztetxoen artean
nolabaiteko interesa dago,
azpimarratzekoa da azken urteotan
Oihane Pereak egindako lana,
gaztetxo taldeak sortzen eta
etorkizuneko lana egiten, txapo!!
Bertsolaritzak euskararen
egoerarengan eragina duela
uste duzue? Eta alderantziz?
O: Bertsoaren aitzakian jendea
mugitzen ari da. Entzule berriak
ditugu eta zaharrek ez dute
alde egin, horrek esan nahi du
euskarari tarte bat ematen diogula
kalean eta tarte hortan behintzat
euskara da harremanetarako
bide.
I: Euskara gune akademikotik
(euskaltegia, ikastolak...) plazara
eta kalera salto egiteko zubia
da bertsogintza, hala uste dugu
behintzat. Euskaraz bizitzeko
gunea, unea. Eta aisian ere gure
hizkuntzaz gozatzeko aukera eta
arnasgune baliagarria da.
U: Euskararik gabe bertsorik
ez genuke izango. Hizkuntak
laguntzen baitio bertsoari bere
barnean eta alderantziz.
2018ko Arabako Bertso
Kuadrillen arteko txapelketan
parte hartu duzue; baita
finalera iritsi ere. Zer
suposatu du zuentzat? Nola
bizi izan duzue hori guztia?
O: Poz itzela, sorpresaz ere
hartu dugu azken sailkatzea eta
egoerak laino baten egotera eraman
gaitu, baina oinak lurrean
lehiakor baina ondo pasatu eta
pasa arazteko asmoarekin egin
diegu aurre kanporaketa guztiei.
Azken eguna pozez lehertzeko
eguna izan zen, bertso familia
osoa bildu ginen Gasteizen eta
hori handia da.
I: Gogo ikaragarria “hitzen
kirol nazionalean” aurrera
egiteko. Arabar Errioxak bere
txokoa duela aldarrikatzeko
balio izan du. Arabako bertsogintzan,
bagarela zeozer bertso
kontuetan. Espero ez genuena
lortu dugu, gustura ibili gara eta
gure maila erakustea. Finalean
kantatzea saria izan da, maila
handiko bertsokideekin bertsotan
aritzea, ohore handia.
U: Finalean helburua ondo
pasatu eta pondo pasaraztea
zen...eta lortu genuen!!! Oso gustora
geratu ginen egindako lanarekin!!
Txapelketa historikoa
izan da Arabako Errioxarentzat
nahiz eta komunikabideek sona
gehiegirik ez eman. Gu oso arro
gaude Arabako Errioxa Arabako
finalean ordezkatu izanaz, benetan
handia izan da!!
Aurrera begira zer?
O: Txandriok bere hortan jarraitzen
du bertsolaritza Errioxan
hedatu dadin kimu berrien
esperoan. Ateak zabalik ditugu
nahi duenarentzat, gazte zein
heldu, eta gure mailan Errioxaren
berri ematen jarraituko
dugu plazaz plaza.
I: Lehenik eta behin momentu
gozo hau disfrutatzen
segi, ondoren, hainbat lan daude
egiteko eta horiei heldu behar.
Azkenik, Errioxako bertsogintza
egonkortzeko asmoari
gogotsu heldu eta hurrengo
kuadrilla artekoan, niri dagokidanez,
ez kantatzea da helburua;
jende berria izango delako
prest bertan aritzeko (kar, kar,
kar...).
U: Txapelketak aukera eman
digu bertso sortako taldea ateratzeko
gaztetxoekin. Oso aberatsgarria
izan da denontzat.
Gure helburua erreleboa izatea
da. Gu hirurok jada 40 ingurun
gabiltza eta (kar kar kar).
Bukatzeko… bertso batekin
agurtuko gaituzue?
Pausurik pausu, punturik puntu
gorpuzten hainbat helburu.
Aurten Kuadrilla arteko lehian
zenbat irri ta apuru
final handira iritsi eta
onenekin buruz-buru
Errioxaren izena behintzat
entzungo zuten seguru.
Nahiz ta txapelik ez dugun jantzi
zoriona jantzi dugu (bis)
KUADRILLAK AURKEZTEN DIZU
AMETSETAN EN TOL SARMIENTO
Apirilak 20, ostirala 19,30 ean
Oiongo Zineman
Languntzailea: Oiongo Udala