II. COV NTSIAB TXHAIS
Rau kev siv hauv tsab cai no, cov nqe lus mas nws muaj lub ntsiab li qhov uas tau muab rau nws.
A. Pawg tuav dej num-“ Pawg tuav dej num” txhais tias yog tus neeg los sis cov neeg uas muaj txoj dej num los ua cov dej num uas cheeb tsam tsev kawm ntawv yuav tsum tau ua nyob rau hauv Tsab Cai no nrog rau tiam sis tsis yog tas rau tus thawj tswj cheeb tsam tsev kawm ntawv los sis tus neeg nws xaiv los sawv cev nrog rau cov tswj fwv tsev kawm ntawv hauv lub tuam tsev.
B. Tus Kws Qhia Ntawv Hauv Chav Kawm-“ Tus Kws Qhia Ntawv Hauv Chav Kawm” txhais tias yog tus neeg ua hauj lwm qhia ntawv uas muaj txoj dej num rau txoj kev qhia ntawv los sis chav uas tso rau tus tub ntxhais kawm ntawv mus kawm tsis hais lub sij hawm twg li.
C. Cov Xwm Txheej Ua Phem-“ Cov xwm txheej ua phem” txhais tias tus xeeb ceem uas ua rau tus tub ntxhais kawm ntawv los sis lwm cov tub ntxhais kawm ntawv, los sis cov neeg nyob ib puag ncig, nrog rau cov neeg ua hauj lwm hauv lub tsev kawm ntawv, los sis cov kev puas tsuaj rau cov khoom hauv cov tsev kawm ntawv. Cov xwm txheej ua phem tsis suav cov kev raug mob los sis cov kev ua puas uas yog huam yuaj los sis yog los ntawm qhov tsis saib xyuas zoo. Ib qho xwm txheej ua phem mas suav qhov xwm txheej ua phem uas tau piav qhia hauv cov ntawv uas tau txais los ntawm tub ceev xwm los sis hauv cov tsev hais plaub rau me nyuam yaus. Pawg tuav dej num muaj txoj dej num los xyuas seb ib qho kev coj xeeb ceem puas muaj raws li lub ntsiab txhais.
D. Kev Xav Paub Txog Txoj Kev Kawm Ntawv Raws Cai( Legitimate Educational Interest)- Kev xav paub txog txoj kev kawm ntawv raws cai muaj xws li cov kev txaus siab hais txog kev qhia ntawv hauv chav kawm, kev qhia ntawv, cov kev ua tau thiab kawm tau ntawm tus tub ntxhais kawm ntawv, kev qhuab qhia tub ntxhais kawm ntawv thiab tub ntxhais kawm ntawv txoj kev noj qab haus huv thiab kev noj qab nyob zoo. Nws suav qhov yuav tsum tau paub seb tus neeg xav tau dab tsi thiaj li:
1. Ua tau ib txoj dej num khiav ntaub ntawv uas yuav tsum tau ua hauv lub tsev kawm ntawv los sis hauv cov lus qhia txog txoj hauj lwm hauv tus neeg ua hauj lwm daim ntawv cog lus ua hauj lwm uas tau kev pom zoo los ntawm pawg tswj tsev kawm ntawv;
2. Ua tau txoj hauj lwm saib xyuas los sis qhia ntawv ncaj qha hais txog tus tub ntxhais kawm ntawv txoj kev kawm ntawv; los sis
3. Muab tau ib txoj kev pab rau tus tub ntxhais kawm ntawv los sis tus tub ntxhais kawm ntawv tsev neeg xws li kev kho mob, kev pab tawm tswv yim, kev nrhiav hauj lwm rau tus tub ntxhais kawm ntawv los sis kev pab nyiaj rau tus tub ntxhais kawm ntawv;
4. Tswj ib qho chaw kawm ntawv uas muaj kev ruaj ntseg rau cov neeg ua hauj lwm thiab cov tub ntxhais kawm ntawv thiab;
5. Ua xwm yeem nrog cov hom phiaj los twj cov ntaub ntawv.
E. Tus Neeg Ua Hauj Lwm Hauv Tsev Kawm Ntawv-“ Tus Neeg Ua Hauj Lwm Hauv Tsev Kawm Ntawv” muaj xws li:
1. Ib tug neeg uas tau ntawv tso cai los ntawm Xeev thiab raug xaiv los ntawm pawg tswj tsev kawm ntawv los ua ib txoj hauj lwm khiav ntaub ntawv, saib xyuas, qhia ntawv los sis lwm txoj hauj lwm rau cov neeg txawj ntse xws li txoj hauj lwm ua tus tswj fwm tsev kawm ntawv, tus kws qhia ntawv, tus neeg pab tawm tswv yim los sis tus kws ntsuam xyuas laj lim tswv yim hauv tsev kawm ntawv;
2. Ib tug neeg uas txais ua hauj lwm los ntawm los sis hauv daim ntawv cog lus ua hauj lwm rau pawg tswj tsev kawm ntawv los ua cov hauj lwm tshwj xeeb xws li ib tug neeg uas pab cov kws txawj ntse, tus neeg tsav npav thauj me nyuam mus kawm ntawv, tus neeg teb xov tooj, tus neeg teev ntaub ntawv, tus kws pab kom lub cev muaj zog, los sis tus kws lij choj rau pawg tswj xyuas tsev kawm ntawv mus ib ntus tam li yog ib tug neeg ua hauj lwm los sis tus neeg txais sab nraud tuaj ua hauj lwm; thiab
3. Tus neeg los hloov cov neeg tau hais los saud mus ib ntus ntawm nws txoj dej num ua tus hloov neeg ua hauj lwm.
III. KEV QHIA RAU TUS NEEG UA HAUJ LWM
A. Yog hais tias pawg tuav dej num tau paub tseeb tias ib tug tub ntxhais kawm ntawv tau muaj ib tug qauv coj xeeb ceem phem thiab / los sis muaj ib qho xwm txheej ua phem, pawg tuav dej num yuav txiav txim tias tus tub ntxhais kawm ntawv ntawd muaj keeb kwm coj xeeb ceem phem uas yuav tau qhia tawm raws li hauv tsab cai no.
B. Cov Neeg Uas Tau Txais Daim Ntawv Qhia – Txhua tus kws qhia ntawv hauv chav kawm ntawm tus tub ntxhais kawm ntawv uas muaj keeb kwm coj xeeb ceem phem yuav tau txais daim ntawv qhia los ntawm pawg neeg tuav dej num ua ntej muab tus tub ntxhais kawm ntawv ntawd tso rau hauv tus kws qhia ntawv chav kawm ntawd. Ntxiv thiab, pawg tuav dej num yuav muab daim ntawv qhia rau lwm cov neeg ua hauj lwm hauv tsev kawm ntawv uas muaj kev xav paub txog txoj kev kawm ntawv raws cai hauv cov ntaub ntawv.
C. Kev Txiav Txim Seb Leej Twg Tau Txais Daim Ntawv Qhia – Cov kev txiav txim ntxaws seb cov neeg ua hauj lwm hauv tsev kawm ntawv twg muaj txoj kev xav paub txog txoj kev kawm ntawv raws cai mas yuav txiav txim los ntawm pawg tuav dej num hauv tsev kawm ntawv. Cov neeg ua hauj lwm uas tau txais daim ntawv qhia nyob rau hauv Tsab Cai no yuav muab tau daim ntawv qhia rau tus neeg uas tuaj hloov nws ntawd saib los sis rau lwm tau neeg ua hauj lwm uas tau txais tsab ntawv qhia thiab.
Tsab Cai thiab Kev Coj Raws Txoj Cai( Code of Ethics) rau Kev Siv Cov Ntaub Ntawv Raws Hluav Taws Xob, Kev Sib Txuas Lus thiab Technology Resources Uas Siv Tau, Tsab Cai 524.2
Lus Cim: Tsab Cai Qhuab Qhia 506.0 tseem hais txog cov twj technology uas uas siv tau. Nws hais tias:“ Muaj thiab / los sis siv cov twj uas siv hluav taws xob, nrog rau computer, uas hawv los sis hem lwm tus neeg thiab / los sis cuam tshuam txoj kev kawm ntawv.”
Pawg Technology Steering Committee( Pawg Saib Xyuas Txog Technology) yog cov saib xyuas kev tswj cov kev pab Information, Communication, and Technology( Cov Ntaub Ntawv, Kev Sib Txuas Lus, thiab Technology)( ICT) hauv cheeb tsam tsev kawm ntawv. Cov kev pab no muaj tag nrho cov suab, yeeb yaj kiab, thiab cov systems ceev ntaub ntawv. Cov systems no muaj:
xov tooj, tv, cov twj siv hluav taws xob uas nqa tau, computers, servers, local and wide area networks, kev txuas rau lwm lub computer networks raws TIES, thiab lub Internet thiab cov chaw khaws cov ntaub ntawv cia. Ib feem ntawm txoj dej num tswj xyuas no muaj kev tsim thiab kev siv ib tsab cai uas siv tau thiab sim cov kev taw qhia ntawm cov kev pab no los ntawm cov neeg ua hauj lwm, cov tub ntxhais kawm ntawv thiab lwm cov neeg siv.
Lub hom phiaj ntawm nqe lus no yog los qhia lub ntsiab ntawm tus neeg siv txoj dej num, cov kev siv cov kev pab uas siv tau thiab tsis tau yam uas tsis tas yuav hais ib qho zuj zus ntawm tag nrho cov dej num, cov kev siv thiab cov kev siv tsis raug cai. Tsab cai tsis yog npaj los cuam tshuam tus cwj pwm ua hauj lwm zoo tiam sis los tiv thaiv cov neeg ua hauj lwm thiab cov tub ntxhais kawm ntawv thiab cov tsev neeg uas peb pab los ntawm qhov uas tsim cov xeeb ceem uas xav kom coj yoog nrog rau cov ciaj ciam uas peb yuav tsum tau ceev nrog peb cov tub ntxhais kawm ntawv thiab cov tsev neeg. Daim ntawv Cov Kev Taws Qhia Txog Kev Siv Uas Siv Tau muaj cov lus qhia ntxaws ntxiv.
Cheeb Tsam Cov Dej Num
Nyob rau hauv Children’ s Internet Protection Act( Tsab Cai Tiv Thaiv Me Nyuam Kev Siv Internet)( CIPA), cov cheeb tsam yuav tsum tau los txwv cov me nyuam tsis tau muaj hnub nyoog txoj kev saib cov khoom hauv internet. Cheeb tsam muaj ib txoj kev los lim cov khoom hauv internet uas nws tau kev tso cai rau uas muaj raws li los sis tseem tshaj qhov CIPA kom yuav tsum tau muaj rau hauv kev tiv thaiv tub ntxhais kawm ntawv.
Ntxiv thiab, cheeb tsam tsev kawm ntawv tau tsim ib co tshooj kawm los qhia rau cov tub ntxhais kawm ntawv txog tus xeeb ceem coj online uas zoo, nrog rau kev sib tham nrog lwm cov neeg hauv cov vas sab( websites) uas muaj neeg coob tuaj sib ntsib thiab hauv cov chav sib tham( chat rooms) thiab kev ceev faj txog kev thab plaub saum huab cua( cyberbullying) thiab kev teb rau tej yam ntawd.
2016-17 Tsev Kawm Ntawv Phau Ntawv Handbook 49