yuav tsum yog raws pov thawj, yuav tsum tau sau rau hauv ntawv thiab yuav tsum muaj cov lus qhia tseeb uas tau siv rau hauv kev txiav txim uas qhia kom ntxaws rau ob tog thiab tus thawj saib xyuas hauv tuam tsev xyuas cov me nyuam, cov tsev neeg, thiab kev kawm ntawv txog lub hauv paus thiab vim li cas ho txiav txim li ntawd.
Nqe 14. Tus tuav dej num hauv tsev kawm ntawv yuav npaj thiab tswj lub hom phiaj yuav txais los sis rov txais ib tug me nyuam kawm ntawv uas tau raug cais los sis ntiab tawm hauv tsev kawm ntawv rov qab tuaj kawm ntawv. Lub hom phiaj tej zaum yuav muaj cov kev uas yuav siv los txhim kho tus me nyuam tus xeeb ceem thiab yuav tsum tau muaj kev koom tes los ntawm niam txiv hauv txoj kev yuav txais kawm ntawv los sis rov txais kawm ntawv, thiab yuav qhia rau tus me nyuam kawm ntawv txog cov kev rau txim rau tus me nyuam kawm ntawv yog tias tsis txhim kho tus me nyuam kawm ntawv tus xeeb ceem kom zoo.
Txoj cai tseem muaj tus txheej txheem los thov kom rov saib xyuas cov kev txiav txim dua. Yog xav paub ntxiv nug tau Greg Cole,( 763) 506-1650.
Tus Qauv Txog Kev Siv Lub Zog Tsim Nyog, Ntu 121A. 582
( Saib hauv Minnesota Tsab Cai 121A. 582 thiab)
1. Hauv qee lub sij hawm, tej zaum yuav tsim nyog rau tus neeg ua hauj lwm los siv lub zog tsim nyog kom muaj kev ruaj ntseg hauv ib puag ncig rau cov tub ntxhais kawm ntawv. Yuav siv tau lub zog tsim nyog rau ib tug tub ntxhais kawm ntawv yam uas nws tsis tau tso cai rau thaum uas siv los ntawm tus tuav dej num, tus kws qhia ntawv, tus neeg tsav lub npav thauj me nyuam mus kawm ntawv los sis lwm tus neeg sawv cev hauv lub tsev kawm ntawv uas siv kev muaj cai ua thiab thaum uas tsim nyog raws lub sij hawm los kho los sis tuav ib tug tub ntxhais kawm ntawv, los sis los tiv thaiv kom tsis txhob raug mob rau lub cev los sis ploj tuag ntawm lwm tus neeg.
2. Lub zog tsim nyog yog txhais tias kev siv lub zog ntawm cev thaum tsim nyog, tiam sis tsis tshaj qhov uas tsim nyog los tiv thaiv cov kev ua phem ntawm ib tug los sis ntau tshaj ib tug tub ntxhais kawm ntawv los ntawm qhov yuav raug rau lwm cov tub ntxhais kawm ntawv los sis cov neeg ua hauj lwm.
3. Cov neeg ua hauj lwm yuav siv tau lub zog tsim nyog:( a) los nias ib qho teeb meem uas yuav hawv kom lwm tus neeg raug mob;( b) los txeeb kom tau cov riam phom los sis lwm cov khoom phom sij ntawm tus neeg los sis ntawm qhov tus me nyuam kawm ntawv tswj qhov khoom ntawd;( c) los tiv thaiv tus kheej;( d) rau kev tiv thaiv lawm tsu neeg thiab / los sis khoom; thiab( e) los taw cov kev txav los sis kev ua ntawm tus tub ntxhais kawm ntawv kom thiaj li tsis txhob muaj kev cuam tshuam hauv chav kawm los sis lwm qhov chaw hauv lub tsev kawm ntawv uas tsis raug cai. Cov kev ua no, los sis ib qho ntawm cov kev ua no, yuav tsis suav tias yog kev rau txim kom lub cev raug mob raws li hauv lub ntsiab txhais thiab lub hom phiaj ntawm tsab cai no.
4. Muaj kev cob qhia txog Kev Tiv Thaiv Thaum Muaj Xwm Txheej Ceev( Crisis Prevention Intervention)( CPI) rau cov neeg ua hauj lwm thawm niaj thawm xyoo. Xav kom cov neeg ua hauj lwm siv cov tswv yim txo teeb meem kom thiaj li txo tau zoo qhov uas yuav tau muab tuav tseg.
5. Yog hais tias yuav tsum tau muab ib tug tub ntxhais kawm ntawv tshwj xeeb tuav tseg, yuav tsum tau teb Daim Ntawv Qhia Txog Ib Qho Xwm Txheej Tseem Ceeb Heev( Critical Incident Report).
Nqe Lus Txog Tsab Cai Ntawm Tub Ntxhais Kawm Ntawv Cov Ntaub Ntawv, Tsab Cai 515.1
Tus Thawj Tswj Cheeb Tsam Tsev Kawm Ntawv hauv Cov Tsev Kawm Ntawv yog‘ tus neeg muaj cai uas xaiv los tuav dej num rau cheeb tsam tsev kawm ntawv hais txog kev khaws, cia thiab nthuav tawm cov ntaub ntawv hais txog cov tub ntxhais kawm ntawv. Thaum ua cov hauj lwm thiab dej num no, Tus Thawj Tswj Cheeb Tsam Tsev Kawm Ntawv:
A. Tso cov dej num hais txog tub ntxhais kawm ntawv cov ntaub ntawv rau cov neeg tuav ntaub ntawv thiab / los sis cov neeg pab tawm tswv yim.
B. Tsim ib co kev taw qhia hais txog kev khaws, cia thiab nthuav tawm tub ntxhais kawm ntawv cov ntaub ntawv.
C. Tswj cov dej num hais txog tub ntxhais kawm ntawv cov ntaub ntawv raws li nom tswv teb chaws thiab xeev cov cai thiab cov cai tswj kav thiab raws li cov txheej txheem uas tau tsim los tiv thaiv cov cai ntawm cov tib neeg.
D. Muab cov lus qhia zoo uas tsim nyog rau pej xeem hais txog hom ntaub ntawv uas yuav tswj txog cov tub ntxhais
Tsab cai no hais txog cov txheej txheem tsim los tiv thaiv tus tub ntxhais kawm ntawv txoj cai kom tsis txhob pub leej twg paub. Nws hais txog:
• seb leej twg saib tau cov ntaub ntawv.
• cov cai ntawm niam txiv, cov neeg saib xyuas thiab cov tub ntxhais kawm ntawv hais txog cov ntaub ntawv.
• hom ntaub ntawv hais txog tus tub ntxhais kawm ntawv uas pej xeem saib tau.
• cov txheej txheem los txwv cov ntaub ntawv uas pej xeem saib tau txog tus tub ntxhais kawm ntawv.
kawm ntawv, tus txheej txheem thiab txoj cai los soj ntsuam tus tub ntxhais kawm ntawv cov ntaub ntawv thiab lub npe ntawm tus neeg uas muaj txoj dej num los xyuas cov tub ntxhais kawm ntawv cov ntaub ntawv.
E. Muab kev saib xyuas thiab kev soj ntsuam mus tas li txog txoj kev ceev tub ntxhais kawm ntawv cov ntaub ntawv kom thiaj li muaj cov kev hloov uas tsim nyog raws li nom tswv teb chaws thiab xeev cov cai thiab cov kev taw qhia thiab cov kev xav tau hauv cheeb tsam.
Kev Siv Tub Ceev Xwm los sis Tus Neeg Ua Hauj Lwm Tub Hauv Tsev Kawm Ntawv Uas Tsim Nyog los Tshwm Cov Ntxhais Kawm Ntawv uas muaj IEPS Tawm, Tsab Cai 506.2
Anoka-Hennepin cheeb tsam tsev kawm ntawv muaj kev ruaj siab los txhawb nqa cov kev kawm ntawv uas muaj kev ruaj ntseg rau tag nrho cov tswv cuab hauv lub tsev kawm ntawv. Nws tseem ntseeg ntxiv mus tias cov tub ntxhais kawm ntwav yog qhov tseem ceeb zus ib thiab yuav tsum tau tiv thaiv lawv kom tsis txhob raug mob los sis rau kev puag siab ntsws hauv tag nrho lub tsev kawm ntawv cov chaw thiab thaum lub sij hawm ua cov kev ua si hauv tsev kawm ntawv.
Li no nws yog tsab cai hauv Anoka-Hennepin Cheeb Tsam Tsev Kawm Ntawv tias ib tug tub ntxhais kawm ntawv twg, suav cov tub ntxhais kawm ntawv uas muaj ib qho IEP thiab, uas koom rau hauv kev coj xeeb ceem uas, raws li tus neeg ua hauj lwm hauv tsev kawm ntawv xav, yog ib qho teeb meem los sis yuav ua ib qho teeb meem rau txoj kev noj qab haus huv, kev ruaj ntseg, los sis cov khoom ntawm tus tub ntxhais kawm ntawv, lwm cov tub ntxhais kawm ntawv, cov neeg ua hauj lwm, los sis lub tsev kawm ntawv cov khoom, tus tub ntxhais kawm ntawv ntawd yuav raug tshem tawm los ntawm tus neeg ua hauj lwm hauv tsev kawm ntawv uas tsim nyog thiab / los sis los ntawm tub ceev xwm raws li xeev cov cai hais txog kev siv lub zog uas tsim nyog.
Tsab Cai Txog Kev Qhia Rau Tus Neeg Ua Hauj Lwm txog Kev Coj Xeeb Ceem Phem los ntawm Cov Tub Ntxhais Kawm Ntawv, Tsab Cai 529.0
I. LUB HOM PHIAJ
Tsab cai no hais txog kev qhia rau tus neeg ua hauj lwm txog kev coj xeeb ceem phem los ntawm cov tub ntxhais kawm ntawv. Lub hom phiaj ntawm tsab cai no yog los hais txog cov sij hawm uas yuav qhia txog cov ntaub ntawv rau cov kws qhia ntawv hauv chav kawm thiab lwm cov neeg ua hauj lwm hais txog cov tub ntxhais kawm ntawv uas muaj keeb kwm coj xeeb ceem phem kom thiaj li pab tau tus tub ntxhais kawm ntawv thiab tiv thaiv tau cov tub ntxhais kawm ntawv thiab cov neeg ua hauj lwm. Pawg Tswj Xyuas Tsev Kawm Ntawv tso cai rau cov tuav dej num los tsim cov txheej txheem ua raws li tsab cai no nrog rau cov txheej txheem los ua raws li qhov tsis pub leej twg paub txog cov ntaub ntawv thiab cov uas yuav tsum tau qhia uas tau muaj nyob rau hauv Cheeb Tsam Tsab Cai Txog Kev Tiv Thaiv thiab Kev Tsis Pub Leej Twg Paub Txog Tus Me Nyuam Kawm Ntawv Cov Ntaub Ntawv( District’ s Protection and Privacy of Pupil Records).
48 2016-17 Tsev Kawm Ntawv Phau Ntawv Handbook