Բացի այդ, « Դասավանդի’ ր Հանուն Հայաստանի »-ն ընդգրկված էր երկու բարձր մակարդակի խորհրդատվական մարմիններում ՝ Ազգային կրթության զարգացման և նորարարության կենտրոնում( NCEDI) և Կրթության տեսչական մարմնում, որտեղ մենք աջակցեցինք ուսուցիչների մասնագիտական զարգացման, ազգային կրթական ստանդարտների և դպրոցների գնահատման գործընթացում կիրառվող որակի ապահովման գործիքների բարեփոխմանը ։ 2024 թվականին մենք նաև կարևոր դերակատարություն ունեցանք Հայաստանում առաջին անգամ իրականացվող Համաշխարհային բանկի կողմից ֆինանսավորվող կրթության ոլորտում Հոգեկան առողջության և հոգեսոցիալական աջակցության( ՀՀՀՍԱ) նախագծին ։ Նշանակվելով որպես Ծրագրի իրականացման պատասխանատու մարմին ՝ « Դասավանդի’ ր Հանուն Հայաստանի »-ն կարևոր կամուրջ հանդիսացավ նախարարությունների, դոնորային հաստատությունների և ոլորտի գործընկերների միջև ՝ ապահովելով արդյունավետ համագործակցություն բոլոր բաժինների միջև ։ Ընդհանուր առմամբ, այս ներդրումները ընդգծում են « Դասավանդի’ ր Հանուն Հայաստանի » կազմակերպության դերը, որը դաշտային գործակալի կարգավիճակից վերածվեց վստահելի քաղաքական գործընկերոջ ՝ նպաստելով Հայաստանի կրթական համակարգի արդիականացմանն ու երկարաժամկետ արդարության ապահովմանը, ինչպես նաև ձևավորելով, բարելավելով և իրականացնելով համապատասխան քաղաքականություններ ։
05