tt
a
f
a
i
k
s
a
T
i vinter!
Turtips
Strengen
Det er vinter i Surnadal og snøen ligg som eit tjukt fløyelsmjukt
teppe nedover frå fjella og heilt ned til fjorden, det er
strålande sol og du har dagen fri – så KVAR SKAL TUREN GÅ?
Vi var så heldige å få Olav Rønnings beste turtips for deg
med ski på beina. Han arbeider som einingsleiar i Surnadal
kommune, og er ein ivrig friluftsmann – sommar som vinter.
Han er ikkje innfødd surndaling, men etter mange år i bygda
har han vore på mange fine turar og kan gjerne anbefale
fleire av dei til oss.
Surnadal har flotte turmoglegheiter, og det er vanskeleg
å berre skulle velje nokre få tykkjer han, men nemner fort
Løålikjølen. Olav er ein av fire frivillige som køyrer opp skiløy-
pene på Nordmarka, så han meinte han kanskje var inhabil, men turen er for fin til å
ikkje skulle nemnast her. Olav vil og anbefale folk til å ta kveldsturar med hovudlykt.
– No til dags er det svært gode hovudlykter å få kjøpt, og ein har derfor betre mogleg-
heiter til å ta kveldsturar no enn før, dette gjeld spesielt på ski.
Han har samla eit lite knippe med tips til varierte turar, til ulike ferdigheitsnivå og slik
at både du som likar oppkøyrde langrennsløyper og du som helst ser at du får tråkke
eigne spor skal finne turmål som freistar.
– Det er stor forskjell på turane sommar og vinter, sommars tid kan det vere drygt
både på tur opp og ned, medan om vinteren da renn du fint og lett ned, og på dei
rette stadene renn og renn du.
LØÅLIKJØLEN
– Tur med familien i slakt og fint terreng
På Nordmarka blir det køyrt opp skiløyper
så fort det legg seg snø, og sesongen bru-
kar å vere lang. Du startar frå parkeringa
på Nordmarka, som ligg rett attmed vegen.
Dette er ein fin lågterskel-skitur, som pass-
ar ypperleg om du vil ha med heile familien
på tur. Turen er på rundt 5 km ein veg. Du
går i slakk motbakke på tur innover, og får
dermed fin fart på tur heimatt.
GARTHØGLIA
– Rundtur med fin fjordutsikt
Ein annan fin tur, med start på vestsida av
vegen på Nordmarka, er runden om
Garthøglia. Runden er på omlag 15 km
og her får du ein tur i litt meir variert og
kupert terreng – med ei flott utsikt ut over
fjorden.
Kjekke nettstader for deg som vil ut på tur: morotur.no ❅ skisporet.no ❅ loyper.net ❅ dnt.no ❅ ut.no
26