Live Krangnes Edvardsen har NM-gull i kokkekunst og fast jobb hos ein av
Noregs beste restaurantar. I haust fekk ho tildelt stipend frå KokkeKarlas
Legat, og no er ho klar for neste kapittel i eventyret:
Jobb hos ei av verdas største kokkestjerner.
" - Det er
ikkje noko
problem å
jobbe intenst
når det
er artig "
O
verraskinga var stor for
Live da ho vart tildelt sti-
pendet i Oslo i haust, med
mange av Nordens toppkokkar
som publikum. Stipendet er på
50.000 kroner, og med den støtta,
kan Live oppnå draumen om eit
opphald ved Atelier Crenn i
San Francisco i USA.
Restauranten, som har to
Michelin-stjerner, er driven av
Dominique Crenn. Den franske
kokken er ei stor stjerne i den
kulinariske verda, med stor
suksess ved fleire restaurantar
og mange tv-jobbar. Ho var den
første kvinna i USA med to
Michelin-stjerner.
Live kjente godt til Atelier Crenn
frå før, og da ho fekk sjansen til
å møte Dominique saman med
Credo-sjef Heidi Bjerkan tidlegare
i år, var det ikkje tvil om kvar ho
ønskte å reise for å lære meir.
30
– Dominique var veldig kul,
seier Live, om stjernekokken. I
etterkant har Heidi jobba for å
hjelpe Live å sikre ein plass i San
Francisco, og i oktober fekk ho
det bekrefta: Til våren reiser ho til
California for å jobbe ein periode. I september 2017 var ho med i
NM i kokkekunst som
commis chef til Kjell Patrick
Ørmen Johnsen, og saman vann
dei gull. I juni i år bestod Live
fagprøven, og no har ho fast jobb
som kokk ved Credo.
Kva rolle ho får i restauranten,
veit ho ikkje enno, men målet er å
lære mest mogleg. Live har lyst til
å utvikle seg vidare innan faget,
for å bli ein så god kokk som
mogleg. Lidenskapen for mat har
ho hatt nesten så lenge ho kan
hugse. Ho skryt stort av arbeidsplassen
sin. – Eg har lært veldig mykje
her, og vi har eit svært godt miljø
på kjøkkenet. Det legg gjestane
godt merke til også, for kjøkkenet
er ope, slik at alle ser oss, fortel
Live.
– Vi har alltid vore interesserte i
mat i familien min. Eg begynte å
bake først, men fann etter kvart
ut at det var kokk eg ville bli,
fortel Live. Ho flytta frå heimen
på Kvanne i Surnadal til
Trondheim som 16-åring.
Der gjekk ho restaurant- og
matfag ved Strinda vgs, følgt av
to års læreperiode ved topp-
restauranten Credo.
Restauranten er open frå onsdag
til laurdag, og da har Live og kol-
legaene travle dagar. Søndag til
tysdag er fridagar, som blir bruka
til å slappe av – og til å glede seg
til å komme tilbake på jobb.
– Det er ikkje noko problem å
jobbe intenst når det er artig,
dagane på arbeid går veldig fort,
for eg trivst så godt! seier
kokkestjerna Live.