3 40. ZENBAKIA /// 2015eko azaroaren 5a /// Aiaraldea
_herriz herri
Laudio
Saratxo
Udalak geltokiko
arazoei irtenbidea
bilatzeko eskatu
dio Renferi
Premiazko udal osoko bilkura egin zuten astelehenean /aiaraldea.eus
2016ko ordenantza
fiskalak onartu dituzte
ERREDAKZIOA I Aitor Aspuru
Astelehenean egindako premiazko Laudioko udal osoko bilkuran onartu zituzten 2016ko ordenantza fiskalak. EH Bilduk eta
Omniak alde bozkatu zuten eta gainerako taldeek aurka.
Zozketak eta igoerak
2016ko tasa, zerga eta prezio
publiko gehienak dauden moduan
mantenduko dituzte, igoerak egin
gabe. Ondare Higiezin Zerga ere
izoztuko dute eta zerga horretan-
rako hobariak egongo dira. Zenbait zerbitzuk %1eko igoera izango
dute: hilerria, hirigintza baimenak,
lurzoru publikoaren okupazioa eta
animalien bilketa, besteak beste.
Salbuespenak ere badaude. Lur
zoru publikoa okupatzen duten kutxazainek %20 gehiago ordaindu
beharko dute.
Zaborren kudeaketa zerbitzua
%5ean garestituko da eta ur zerbitzuak ere igoera progresiboa
izango du.
ERREDAKZIOA I
Orain dela bi aste udalak geltokiko igogailua behin betiko konpondu
zuen eta horren ostean bilera egin
zuen Renferekin geltokiko irisgarritasun arazoak lantzeko. Udaletik
hirigintza batzordean talde politiko guztien artean adostutakoa hiru
eskaera helarazi zioten Renferi.
Lehena geltokiko irisgarritasunari lotuta zegoen. Igogailuaz gain,
arrapala bidez edota Zubiko Kurajotik sarrera bermatzeko aukera
aztertu zuten. Balizko sarrera hori
Zubiko Etxearen eta metalezko zubiaren artean egon zitekeen.
Bigarrenik, geltokitik trenera
igotzeko oztopoaz mintzatu ziren.
Renfek aukerak aztertuko zituela
berretsi zuen.
Azkenik, trenaren zain daudenentzat babesleku bat jartzeaz
jardun ziren.
Siriako errefuxiatuak babesteko bi
etxebizitza prestatuko ditu udalak
ERREDAKZIOA I Lucía Menoyo
Laudioko Udalak irailean adostu
zuen Siriako errefuxiatuak laguntzea ekarpen ekonomiko baten bidez eta bi udal etxebizitza eskuragarri jarriz. Udalak larrialdi sozialetarako hiru etxebizitza ditu guztira.
Haietako bat ez dago oraindik altzariz hornituta eta etxebizitza guztiei
falta zaie maindire, eskuoihal eta
abarrez hornitzea.
Isabel Boveda zinegotziak jakinarazi duenez, urriaren 22an pisu horien ekipamendua esleitu zuen udalak. Hutsik dagoen pisua altzariz
hornitzea –sukaldea eta bainugela
barne- Garayo Altzariak enpresari esleitu zion udalak 13.983 eurotan. Bestalde, hiru etxebizitzen edredoien, maindireen, eskuoihalen eta
abarren horniketa Natalia Hogar
y Lenceria dendak egingo du 1.819
euroren truke. Hilabete eta erdiko
epean hiru pisuak guztiz erabilgarri
izatea espero dute, haietako bi Siriako errefuxiatuei eskainiko zaizkie eta.
Laudioko Udalak ez daki oraindik
noiz helduko diren errefuxiatuak eta
zenbat izango diren, baina bi familia,
8 edo 10 pertsona inguru izatea aurreikusi dute.
Istripua errepide berriaren
proeiktutik at jazo zen
Istripua ikusgarria izan bazen ere, zauri larririk ez zuen jaso inork.
ERREDAKZIOA I Endika Diaz
Aurreko astean gertatutako istripuaren harira PPk argitaratutako prentsa oharra dela eta Saratxo Bizirik 2.0 plataformak ere
PP alderdi politikoari erantzuteko
oharra zabaldu du. Plataformak
salatu du PPk eta zehazki Javier
De Andrés Arabako ahaldun nagu-
si ohiak aurreko asteko Saratxoko
auto istripua eta errepideko “makroproiektua” nahastu izana, gertatutako istripuaren gunea ez baitago errepide berriaren proiektuaren barruan. Plataformaren ustez
PP bozak eskuratzen saiatu da istripua baliatuz.