dit toe eerder ‘n “Plein rooi”, wat ook
sinspeel op die woord ‘plain’ of
‘gewoon’ ,” vertel hy.
“Ons het destyds gevoel dat een
wynreeks nie genoeg is nie, en het nog
een geskep omdat mense wat hier
studeer baie aanklank vind by enigiets
wat ‘Maties’ genoem word,” vertel
Wassung. “Mens kry mos Maties rugby,
Maties krieket, of Maties swem, en
hoekom dan nie ook ‘n Maties wyn nie?”
Daar word nie ‘n spesifieke soort kultivar
of oesjaar aan dié wyne gekoppel nie.
Tans is Cabernet Sauvignon van die
2014-oesjaar in die bottels Maties
Rooiplein wat teen R50 verkoop word.
Die druiwe waarvan dit gemaak is, is
afkomstig uit een van die US se eie
wingerde. Cabernet Sauvignon is
rondom die jaar 2000 in die US se
Krigeville-wingerd agter Paul Roos
Gimnasium geplant.
Wassung beskryf dit as ‘n gemaklike wyn
wat mens sommer enige dag sou kon
geniet. Dit kan ook nie skade doen om
dit tot twee jaar lank te laat stof
vergader in jou wynrak nie.
Hy sê die Maties Rooiplein-wyne is
veral gewild wanneer die US se
gradeplegtigheidsgeleenthede in
Desember of Maart gehou word,
want dan word baie daarvan
aangekoop as ‘n gepaste
gelukwensings- of herdenkingswyn.
Menige glasie is reeds al geklink na
afloop van ‘n student se suksesvolle
studies!
Benewens die Maties Rooiplein-wyn
versprei die Welgevallen Kelder ook
die US se eie reeks Die Laan-wyne.
Hiervan is onder meer Cabernet
Sauvignon, Chenin blanc, Merlot,
Chardonnay MCC en Pinotage tans in
voorraad. Die Laan 2016 Sauvignon
blanc sal teen die einde van Mei
beskikbaar wees.
Om van dié wyne te bestel, kontak
Riaan Wassung ([email protected])
of besoek Welgevallen Kelder se
Facebook blad https://
www.facebook.com/DieLaanWines/
Vir meer inligting oor die volgende
garagiste-kursus, kontak prof Wessel
du Toit by [email protected] .