Artikel deur Engela Duvenage
Foto’s verskaf
V
ir die Universiteit
Stellenbosch is die
Rooiplein in die hartjie
van die kampus sy eie
Trafalgarplein of Times Square. ‘n
Duisend of wat pare voete (en ook
‘n paar wiele) vat daagliks die pad
hieroor. Dit word gereeld gebruik as
opelug-uitstalruimte of amfiteater
vir musiekproduksies. Studente kom
ook op die rooi baksteentrappe wat
aflei na die ondergrondse JS Gericke
Biblioteek bymekaar om protes aan
te teken of hul stem te laat hoor
oor ‘n onderwerp of twee.
Vanuit hierdie gebou word
studente jaarliks na plaaslike kelders
gestuur om hul internskappe te
doen, en sodoende onder die
vleuels van kenners in die bedryf
méér as net ‘n paar ure se praktiese,
bedryfspesifieke ondervinding op te
doen. Dié internskapsprogram is ‘n
paar jaar gelede op die been
gebring, en blyk hoogs suksesvol te
wees. Dit dra daartoe by dat
studente meer as rég is vir die
praktyk wanneer hulle uiteindelik
die graad BScAgric Wingerd- en
Wynkunde agter hul name skryf.
Die Neethlinggebou, al vir jare die
tuiste van die US se wynkundiges,
kyk op dié plein uit. Dié gebou is
die tuiste van onder meer die
Departement Wingerd- en
Wynkunde en die Instituut vir
Wynbiotegnologie. Dis waar vooren nagraadse aspirant-wynmakers
en wingerdboukundiges onder
meer klas loop.
Stap mens vanaf die Rooiplein in
Victoriastraat se rigting, kan die
pad jou vat verby die
Neethlinggebou. Dis dan wanneer
jy gereeld getref kan word deur ‘n
mosagtige geur so eie aan ‘n
Bolandse wynkelder soos kan kom.
In die kelderverdieping van die
gebou is studente en navorsers
gereeld besig met proewe om te
verfyn wat hulle reeds alles weet
van Suid-Afrikaanse wyne, en oor
hoe om dit ten beste te berei.
Dis ook vanuit die kelderverdieping
wat prof Wessel du Toit sy gereelde
kortkursus vir garagiste- wynmakers
aanbied. Dis vir Jan of San Alleman
bedoel wat nog altyd daarvan
gedroom het om ‘n aspirantwynmaker te wees. Die volgende
kursusse word juis weer oor die
naweke van 27 tot 29 Mei asook 2
tot 4 September 2016 op
Stellenbosch aangebied.
Omdat die Rooiplein so letterlik en
figuurlik sentraal staan in die wel en
weë van die US, is dit dus gepas dat
dit ook gevier word deur een van
die wyne wat uit die US se eie
Welgevallen Kelder kom.
Die Maties Rooiplein-naam is ‘n
bietjie van ‘n woordspeling, verklap
wynmaker en kelderbestuurder
Riaan Wassung.
“In plaas van ‘n ‘dry red’ noem ek