Agoloso Presents - Atondido Stories Agoloso Presents - Sewero la Mfumu Edipa

Sewero la Mfumu Edipa inu kuti mutiwuze pamene papindika mchira wanyani. Inuyo muna- bwera kuno n’kutipulumutsa kwa woyimba wankhanza uja. 3 Sitikayikira kuti munkadziwa mavuto athu ngakhale kuti panalibe amene anakuwu- zani. Anthu amakamba mobwerezabwereza za m’mene milungu inaku- thandizirani kugonjetsa chilombo choyipa ngati chimene chija, chomwe chinkadya anthu mopanda chisoni. Choncho, mbuyanga mfumu tagwira mwendo wanu, chonde tithandizeni. Mwina milungu ingakuthandize- ninso kudziwa chomwe chabweretsa tsokali, kapenanso n’kutheka kuti munthu wina angakulumeni khutu n’kukuwululirani chinsinsi chomwe chabweretsa malodzawa, paja amati mutu umodzi susenza denga. Kaya wina achita kukuthandizani kusenza dengali, kaya ayi, chomwe tikufu- na ndi chipulumutso basi. Sitikusamalanso za kumene chingachokere. Chonde chitani zinthu mwanzeru ngati mmene munachitira m’mbuyo muja kuti chikhulupiriro chathu mwa inu chisayambe kulowa pansi. Dziwani kuti ngati mutapitirizabe kumangoyang’ana anthu akuvutika chonchi, zinthu zikhoza kusokonekera. Musayiwale mwambi uja umati, mfumu ndi anthu. Ngati anthu onse atathera kulichete, simungamala- mulire mitumbira. Choncho mbuyanga mfumu, konzani kapansi kuti kam’mwamba katsike. 2. Pala: Pala Athena. Mulunga ameneyu anali ndi akachisi awiri a ku Thebesi. Isimeno: Kachisi wa Apolo komwe anthu ankakaperekako nsembe zopsereza komwe ansembe ankawona masomphenya okhudza zamtsogolo. 3. Woyimba wankhanza: Akunena za chilombo chamapiko chokhala ngati mkango, chamutu komanso chifuwa cha munthu wamkazi. Mfumu Layasi itangomwalira chilombochi chinkazunza anthu a ku Thebes. Sichinkawalola kulowa kapena kutuluka mumzindawu pokhapokha ngati wina atapereka yankho lolondola la ndagi iyi: “N’chiyani chimayenda ndi miyendo inayi m’mawa, iwiri masana, itatu madzulo?” Anthu amene alephera kupereka yankho lolondola la ndagiyi ankaphedwa n’kudyedwa ndi chilombochi. Edipa anapereka yankho lolondola (lakuti munthu), ndipo atachita zimenezi chilombocho chinadzipha ndipo anthu a ku Thebesi anamasuka. EDIPA: Anthu anga ndisakubisireni, ineyo ndikudziwa bwinobwino chimene chakubweretsani kuno. Ndikudziwanso kuti mukumva kuwa- wa. Komabe ngakhale mukumva kuwawa choncho, dziwani kuti palibe munthu amene akumva kuwawa kwambiri kuposa ine. Aliyense wa inu akakumana ndi vuto, amavutika yekha mumtima mwake. Koma mavuto akamachitika chonchi, ineyo monga mfumu yanu ndimamva kupweteka konse, kwa ineyo komanso kwa nonsenu. Muyenera kuti mukudziwa zoti nanenso ndakhala ndikusala tulo poyesetsa kupeza njira yothetsera mavutowa. M’kusinkhasinkha kwanga, ndinapeza njira imodzi yokha. Ndinawona kuti tikuyenera kumva maganizo a mulungu wathu moti 3

Agoloso Presents - Atondido Stories Agoloso Presents - Sewero la Mfumu Edipa | Page 8